Video
Read full review
2019-03-28
590 views
呢輪係咁忙住趕死線，終於今晚交到功課，當然要慰勞一下自己，一於去食餐好嘅! 忽然好想食吉列嘢，雙腳不期然走左去呢間 有幸坐到卡位，有塊簾幕，私隱度幾好! 枱上放左各式醬汁，飲杯茶就開始睇餐牌提供前菜/刺身/吉列/甜品及飲品 (酒類都有)先黎幾款前菜開下胃口 :簡簡單單嘅一客日本醋蕃茄，面層再舖上洋蔥碎，蕃茄爆汁，味道酸中又比人一種清新感覺，好食!呢度嘅泡菜比起自己係超市買到嘅，無咁酸，反而帶點辛辣度，用黎與白飯一齊食，凍熱同感，偷你半碗飯量無難度!呢客八爪魚芥辣毛茄，有齊我歡喜嘅食材，將芥辣醬汁與秋葵及八爪魚粒混合，味道帶點辛辣，惹人胃口!迷子刺身組合(B)，相中係有吞拿魚，三文魚及帶子，侍應透露今晚吞拿魚來貨唔係幾靚，問改為油甘魚可以嘛? 當然可以啦! 三款刺身都厚切，食起黎夠晒口感，味道仲相當鮮甜!友人鍾情蠔，呢客吉列廣島生蠔係佢囊中物，亦有2款小菜及蜆肉麵豉湯一客有成5隻炸蠔，隻隻都係大碼級，炸漿同樣唔厚，內裏仍然有蠔汁流出，非常JUICY! 單食蠔味濃又帶點外脆內CREAMY，亦可點上他他醬，同樣好味! 友人表示食完幸福同滿足感爆晒燈!餐牌上有呢客吉列京都銀雅豚嘅宣
有幸坐到卡位，有塊簾幕，私隱度幾好! 枱上放左各式醬汁，飲杯茶就開始睇餐牌
提供前菜/刺身/吉列/甜品及飲品 (酒類都有)
先黎幾款前菜開下胃口 :
簡簡單單嘅一客日本醋蕃茄，面層再舖上洋蔥碎，蕃茄爆汁，味道酸中又比人一種清新感覺，好食!
29 views
0 likes
0 comments
呢度嘅泡菜比起自己係超市買到嘅，無咁酸，反而帶點辛辣度，用黎與白飯一齊食，凍熱同感，偷你半碗飯量無難度!
21 views
0 likes
0 comments
呢客八爪魚芥辣毛茄，有齊我歡喜嘅食材，將芥辣醬汁與秋葵及八爪魚粒混合，味道帶點辛辣，惹人胃口!
13 views
0 likes
0 comments
迷子刺身組合(B)，相中係有吞拿魚，三文魚及帶子，侍應透露今晚吞拿魚來貨唔係幾靚，問改為油甘魚可以嘛? 當然可以啦! 三款刺身都厚切，食起黎夠晒口感，味道仲相當鮮甜!
8 views
0 likes
0 comments
友人鍾情蠔，呢客吉列廣島生蠔係佢囊中物，亦有2款小菜及蜆肉麵豉湯
28 views
0 likes
0 comments
一客有成5隻炸蠔，隻隻都係大碼級，炸漿同樣唔厚，內裏仍然有蠔汁流出，非常JUICY! 單食蠔味濃又帶點外脆內CREAMY，亦可點上他他醬，同樣好味! 友人表示食完幸福同滿足感爆晒燈!
餐牌上有呢客吉列京都銀雅豚嘅宣傳，名字甚為日式般優雅，寫住為最高級豚肉，當然要會一會佢! 成個定食仲有埋2款小菜及蜆肉麵豉湯，相當豐富!
10 views
0 likes
0 comments
吉列炸漿唔厚，咬落去發出咔嚓聲，真係超香脆，仲要唔油膩; 輕易食到主角銀雅豚肉，肉質超鬆軟，邊位有D膏，豚味濃，油脂令肉質更嫩滑!
特設芝麻，自己磨完再加特製醬汁，酸酸甜甜幾惹味，一口豚肉再食啖飯，好正呀!
白飯/菜絲可任食，配埋個紫菜汁一齊食，減底熱氣度，爽口多汁!
欣賞呢度嘅服務超細心又殷勤，完餐後會抺乾淨張枱，再換過杯熱茶及送上西瓜作餐後菓，呢D細心位，令人感到窩心! 呢餐相當滿意!
對自己好D，心情都靚D
Post
