泰傳奇 (Closed)

過嚟附近做嘢，又喺Emax 落車，咁當然喺呢度搵下嘢食，喺open rice search到呢間泰國餐廳評語唔差，就入去試一試，點知就比我學到嘢！Lunch time menu 選擇多，我呢啲有選擇困難症，揀咗好耐，就食個招牌咖哩雞球飯啦+凍檸茶！QR code點餐有個好處，出餐快，唔夠一分鐘，杯凍檸茶嚟咗，抵讚，點知唔使另一分鐘，個咖哩雞球飯出埋！望咗碟嘢一分鐘，食咗我人生第一啖嘅招牌泰色咖哩 x 麥記麥樂雞飯。。。老實，咖哩味道唔差，夠熱，但個麥樂雞係凍㗎！唔知係咪因為喺麥記買上嚟攤耐咗呢。。。早知我先去麥記買返盒上嚟加餸啦，起碼係熱嘅。。。埋單有折64蚊。。。咦，喺麥記食到十幾廿件喇喎