Video
Read full review
2021-05-11
2106 views
近期，印度嘅疫情非常嚴重，相熟嘅老友話除咗作出少少捐款幫幫手之外，亦想支持吓本地一啲印度餐廳，當喺為本地嘅印度鄉里打打氣。所以，相約嚟上環嘅「印度皇」食餐飯。一來餐廳就晌地鐵旁，大家都方便，二來睇到餐廳嘅風評唔錯，諗住呢一頭又靜侷啲，友人會覺得安心啲。餐廳晌商廈一樓，地方頗大，裝修唔算好重印度風，但地方四四正正，感覺寬敞。而且，枱與枱既有一定距離，睇啲餐具擺放，都留意到盡量安排客人隔枱坐。而牆上掛咗個大電視，不停播放一啲印度音樂，喺較明顯嘅印度風元素。我哋被安排坐晌近窗位，雖然只喺街景，但感覺開揚多啲。枱上擺咗個印度小花瓶，插上小鮮花作點綴，餐具亦都整齊擺放。順帶一提，店主、店員嘅服務態度非常好，甫坐低，會幫忙噴噴清毒噴霧清潔雙手，用餐期間，又不時幫忙換碟。餐牌中英對照，部份菜式又圖文並茂，手指篤篤都唔會點唔到菜。 再者，店主識識哋講廣東話，簡單嘅都溝通到。而食物嘅選擇十分之多，原來頭幾版嘅印式小食、烤餅及飯，全都喺素食嚟，後兩版就喺各式各樣嘅肉類及海鮮。胡椒餅、雜菜咖喱角 、香炸鮮雜菜點菜後無耐，就送上一小籃印度小食，重點喺免費，哈哈！胡椒餅超薄超脆，又有黑胡椒香；雜菜咖喱角外形漲卜
餐廳晌商廈一樓，地方頗大，裝修唔算好重印度風，但地方四四正正，感覺寬敞。而且，枱與枱既有一定距離，睇啲餐具擺放，都留意到盡量安排客人隔枱坐。而牆上掛咗個大電視，不停播放一啲印度音樂，喺較明顯嘅印度風元素。
我哋被安排坐晌近窗位，雖然只喺街景，但感覺開揚多啲。枱上擺咗個印度小花瓶，插上小鮮花作點綴，餐具亦都整齊擺放。順帶一提，店主、店員嘅服務態度非常好，甫坐低，會幫忙噴噴清毒噴霧清潔雙手，用餐期間，又不時幫忙換碟。
餐牌中英對照，部份菜式又圖文並茂，手指篤篤都唔會點唔到菜。 再者，店主識識哋講廣東話，簡單嘅都溝通到。而食物嘅選擇十分之多，原來頭幾版嘅印式小食、烤餅及飯，全都喺素食嚟，後兩版就喺各式各樣嘅肉類及海鮮。
胡椒餅、雜菜咖喱角 、香炸鮮雜菜點菜後無耐，就送上一小籃印度小食，重點喺免費，哈哈！胡椒餅超薄超脆，又有黑胡椒香；雜菜咖喱角外形漲卜卜，咬落鬆化，唔油膩，內餡填滿素菜，滲出陣陣咖喱香；而香炸鮮雜菜幾得意，感覺主成份喺啲薯仔，粉粉腍腍。炸小食伴以一兜菠菜汁，一兜辣汁，後者酸酸辣辣，仲辣勁幾強。
芒果酸奶 $36、椰青 $42 友人就點椰青，小弟都喺鍾情芒果酸奶，話酸奶，其實乳酪帶出嘅酸味唔太酸，因為芒果味又濃又香。啜落去嘅質感就知無加水或加冰，完全單單喺乳酪同芒果打成，所以，飲到尾，味道跟質感都無走樣，堅真材實料。
芒果酸奶、椰青
19 views
0 likes
0 comments
最近，餐廳兼賣生蠔，店主又話嚟咗一批從日本嚟嘅靚貨，半打都喺$168，平均廿零蚊隻，絕對食得過。呢度開蠔唔會幫手去埋帶子位，以表明原裝正貨，兼難得開蠔都幾乾淨俐落，無乜碎殼。蠔肉呈長形，好肥厚，口感就屬爽脆一種，海水味比較濃，餘韻亦算強。
日本生蠔
$168
10 views
0 likes
0 comments
田園沙律 $68 呢一道田園沙律純粹用嚟平衡餐飯，兼當喺開開胃。果然好田園，仲好原始味道，因為單單將新鮮嘅蕃茄、紫洋蔥、白蘿蔔、甘筍、青瓜切片，原汁原味奉上，無添加，只喺灑少少檸檬汁而已。生嘅紫洋蔥原來真喺幾辣，其他嘅蔬菜都好鮮甜、味道天然。
印式芝士菠菜 $88友人就話好想試試呢一個小食，將菠菜打成蓉，再加入茅屋芝士，所以，芝士味食起嚟唔會太濃，切成粒粒方便食，入口好有咬口，煙煙韌韌咁；菠菜煮成蓉，入口軟軟綿綿好嫩滑，之後我哋用嚟配印度烤餅一齊食，仲有趣。然而，老友話撈啲印度米，效果又唔錯喎！
香燒馬友魚 $138主食我哋要一份烤魚，一羊肉就夠喇，先喺碟燒馬友登場，以鐵板熱騰騰咁送上，店主會詢問你要唔要加檸檬汁，他會用鋼夾幫手唧檸檬汁，食完一面，佢又會主動幫你反魚，服務方面非常到位。鮮魚採用南韓直送新鮮馬友魚，以香料醃製後以高溫烤爐燒製，外皮烤得金香，帶點焦脆，魚肉很嫩滑，又帶有香料味，真喺無揀咗。
香燒馬友魚
$138
19 views
0 likes
0 comments
椰汁咖喱羊 $96 難得友人都食羊，就梗喺試一試啦，況且，店家有唔少羊肉嘅菜式。平常喜歡揀瑪沙拉，然而，呢個椰汁咖喱一樣正，混合多種芳香香料、椰汁去做，咖喱嘅香味自不然有層汁，而羊肉唔太羶，好軟腍。而剩低嘅咖喱汁，絕對唔會嘥，當然喺用嚟配烤餅嘛。
椰汁咖喱羊
$96
8 views
0 likes
0 comments
青蔥烤餅 $29 去食印度菜，烤餅喺必然出現嘅嘢食，加入青蔥嘅烤餅，印象中就應該未試過喇。烤餅放入好多青蔥，所以，外觀睇起嚟更靚，入口好軟熟，帶點韌勁，卻充滿蔥香，沾咖喱食，一流嘅配搭。
青蔥烤餅
$29
13 views
0 likes
0 comments
薄煎餅 $23 店主推介我哋試一試另一種餅食，雖然好大塊，但就真喺好薄身，而且，質感比較軟綿，更具麥香，同樣，都喺配咖喱嘅好朋友。
薄煎餅
$23
3 views
0 likes
0 comments
印度皇飯 $48講開啲印度烤餅，我話其實啲印度米都幾特別，而友人話未試過，就再追加一客。印度米寧舍修長，加入大量甘筍絲、椰絲，以及黃薑粉嚟煮，據講黃薑粉有防癌、治療關節病嘅好處，個印度皇飯本身甜甜哋，黏黏綿綿，友人就用嚟撈菠菜蓉食。
友人好滿意今餐嘅選擇，好對胃口，所以，就算點咁多嘢一樣清得晒。其實，印度咖喱晌香港一向都甚有市場，但願印度嘅疫情可盡快雨過天清！
Post
