一芳台灣水果茶 (Closed)

最近喺朗豪坊新開嘅一芳台灣水果茶，今日我都嚟見識吓等緊拎同排隊嘅人都幾多吓！ 門面裝飾用咗好多生果，男友笑言話水果茶唔夠料就用住先！🤣🤣🤣嘢飲款式同平時手搖店相差唔大，好多都係改咗個刁鑽嘅名🤣啱啱拎到手，發現杯底比較暖，差啲以為自己嗌咗熱飲🤣🤣原來係下面嘅粉圓！估計係入面一直暖住，所以微暖！充滿奶香嘅粉圓鮮奶茶，Q彈嘅粉圓有啲甜，（今次已經嗌咗少糖）細細粒得嚟分量都好多！同平時嘅珍珠奶茶好唔同，值得一試，但價錢就略貴。