過橋麵檔

Open Now

Now Closed

朋友啱啱生左個 b， 呢日我就入大西北探b + 食薑醋 😋。上去朋友屋企前要醫下肚先，係佢屋企附近見到呢間過橋麵檔，個招牌紅噹噹咁得意，就去試下。打開餐牌見到好多選擇都唔知叫咩好， 侍應姐姐見我咁迷惘， 就過黎指點我迷準。😂佢強烈推介我食咸雞飯， 話係用新鮮雞整，好鮮味同冰鮮雞好唔同，食過會返唔到轉頭。咸雞飯一黎到，就知姐姐介紹無錯。雞皮好有光澤油香，雞肉充滿彈性，肉味濃郁， 一食就知冰鮮雞無得比， 根本無需要沾任何醬料就已經好好食， 如果沾醬，我仲覺得破壞左雞肉本身既鮮味tim。不過元朗對我黎講真係太遠， 唔係成日有機會食到，如果下次再黎，想試下霸王雞😋😋😋。