Warren (Closed)

自己都上網睇過呢間餐廳嘅食評，都有啲期待。今日去完尖沙咀行街，就特登過銅鑼灣食下呢間野。坦白講，對比同類型的餐廳，這一間餐廳的用料高質是無庸置疑，但價錢相對就會高一點點。所以如果是想吃精緻的食物的話，這一間餐廳是OK的。我們剛到的時候，餐廳經理問我們會否坐戶外的枱，但由於天氣太熱，所以我都婉拒了，然後他就安排了坐在餐廳最入的地方，確實清涼很多。首先嚟嘅呢一碟菜係帶子配沙律🥗，配埋少少黑胡椒，確實係幾鮮味，而且帶子都幾大隻，配埋沙律，就更清新。再之後嚟嘅呢一疊係芒果蟹肉沙律配炸芋絲，芒果比較甜，蟹肉亦都比較有鮮味，再加埋炸芋絲，就更加有口感。之後嚟嘅呢一碟牛柳，份量雖然唔算大，但就真係我食過嘅牛柳裏邊數一數二嘅，牛肉外層煎得比較趣，內裡嘅生熟度都控制得比較好。配埋個薯仔一齊食，加埋忌廉，就真係幾香。