Video
Read full review
2005-07-17
15 views
見到咁多人評呢間壽司店,以我呢個壽司怪黎講,一定要試下佢喇,果日大約6點幾去到,好彩仲有位!入到去...第一樣係三文魚壽司!...*O*?!...我同男友互相對望左一眼...喲呵呵呵呵,我係食緊刺身定係壽司呢!?!? 壽司上既三文魚切到好似刺身咁厚啊!!!!!!!~~~~~!真係架,佢好大塊,口感好好! 雖然佢比元X同X綠係貴左少少,但以$13蚊既價錢,食到兩塊好似刺身咁正既壽司,我覺得好抵!而且佢食落都算新鮮!我地食到雙眼發光*V*!~(不過可能係我對眼發光所以見到男友對光都發光吧!) 然後再叫左個好得意既小食, 炭燒餃子雞翼!! 我初時仲諗緊,係咪餃子包食一只雞翼,一或係雞翼入面放左餃子...埋到黎時,見到原來係燒雞翼!佢炸得好靚,金金黃黃,咬落去入面~~?~餃子出場了,原來係饟左餃子既饀料!有豬肉同菜,整體來講都好好味,不過細隻左少少...一碟兩隻,好似$16蚊,唔記得...尋晚出完TRIP返黎,又去食過(排左半個鐘左右),今次見到隔黎檯果對情侶食緊D一條條露出腳既東東...佢地好似食得好滋味...*U*..然後男友叫左個侍應黎,同個侍應講我地要炸軟殼蟹(有腳既仲唔係!!?),點
尋晚出完TRIP返黎,又去食過(排左半個鐘左右),今次見到隔黎檯果對情侶食緊D一條條露出腳既東東...佢地好似食得好滋味...*U*..然後男友叫左個侍應黎,同個侍應講我地要炸軟殼蟹(有腳既仲唔係!!?),點知個侍應好似聽唔到咁...咁我男友就用佢隻手指慢慢咁移向隔離果對情侶既背後指俾個侍應睇...佢終於都明我地要咩了...(不過隔離果對情侶似乎睇到我地呢個咁搞笑既行為...=.=|||)
碟炸軟殼蟹黎到...啊~~~佢真係一只蟹黎哦!一整隻的,將佢切開左兩邊...同男友一人一邊...佢仲有沙律漿可以點,原來D蟹係用七味粉一齊炸的,少少辣但好好味!你知唔知最驚喜係咩呀?!~~~係我食到佢有蟹膏哦~~~~!真係唔錯唔錯!一碟$25蚊,好抵吃!
我會再去架!
Post