Video
Read full review
2022-09-25
621 views
點心宗司❌❌❌完全不推薦❌❌❌我哋11:15左右嗌咗個蒸飯同埋其他點心，當時店員已經表明蒸飯最少等20分鐘，我哋話冇問題，但係到咗11:45眼見同我哋差唔多時間嗌蒸飯嘅人都陸陸續續出晒啲飯...我都到11:50先至問店員：唔該幫我睇睇個蒸飯幾時到？店員當時用差語氣答： 講咗蒸飯要等20分鐘啦！！我答佢：我話我搭3落單，而家等咗兩個20分鐘啦下話跟住企收銀位嗰個阿姐問我：咁你而家仲爭幾多個點心未嚟呀？我話仲爭三個，跟住我聽見佢同廚房講，話我哋張枱仲爭三個點心...因為佢哋啲點心係即叫即蒸，我就即時同佢講話：如果你啲點心而家先蒸嘅話，咁你幫我取消佢，我唔要喇...跟住個阿姐同個店員異口同聲一齊嗌出嚟：啲點心而家咪出緊嚟囉！(真係齊心做事情齊心就事成咁樣）然後個收銀阿姐仲精彩，好大聲喝咗我一句：唔使催下話！吖我真係整你個製吖，我全程都係好好態度問佢，呢一刻我真係要爆，我同佢講：係你哋話20分鐘搞掂，我都差唔多40分鐘先問下你哋幾時有，你哋態度唔使咁差呀，好似我唔啱咁樣！🤬🤬之後就不停聽到收銀阿姐發脾四掟碟掟碗嘅聲音，我唔知佢係咪老闆啦，如果佢係員工，呢間嘢請著咁嘅員工就真係精彩喇，可以掟公司
我哋11:15左右嗌咗個蒸飯同埋其他點心，當時店員已經表明蒸飯最少等20分鐘，我哋話冇問題，但係到咗11:45眼見同我哋差唔多時間嗌蒸飯嘅人都陸陸續續出晒啲飯...我都到11:50先至問店員：唔該幫我睇睇個蒸飯幾時到？
店員當時用差語氣答： 講咗蒸飯要等20分鐘啦！！
我答佢：我話我搭3落單，而家等咗兩個20分鐘啦下話
跟住企收銀位嗰個阿姐問我：咁你而家仲爭幾多個點心未嚟呀？我話仲爭三個，跟住我聽見佢同廚房講，話我哋張枱仲爭三個點心...因為佢哋啲點心係即叫即蒸，我就即時同佢講話：如果你啲點心而家先蒸嘅話，咁你幫我取消佢，我唔要喇...
跟住個阿姐同個店員異口同聲一齊嗌出嚟：啲點心而家咪出緊嚟囉！(真係齊心做事情齊心就事成咁樣）
然後個收銀阿姐仲精彩，好大聲喝咗我一句：唔使催下話！
吖我真係整你個製吖，我全程都係好好態度問佢，呢一刻我真係要爆，我同佢講：係你哋話20分鐘搞掂，我都差唔多40分鐘先問下你哋幾時有，你哋態度唔使咁差呀，好似我唔啱咁樣！🤬🤬
之後就不停聽到收銀阿姐發脾四掟碟掟碗嘅聲音，我唔知佢係咪老闆啦，如果佢係員工，呢間嘢請著咁嘅員工就真係精彩喇，可以掟公司啲碗碗碟碟嚟發洩
到最後我出去埋單，我唔知佢係報仇定咩啦，我拎張單出去，佢係望咗張單一眼然後走咗出去問客：你爭啲乜嘢？然後又跑返去廚房同廚房講話出邊邊張枱爭乜嘢爭乜嘢，喂，我埋嚟嘅時候你都企咗喺度，點解你唔係應該收咗我錢，然之後先至出去處理其他事情嘅咩？
其實呢間嘢點心質素唔算差，不過員工態度極差，以上係我今日嘅經歷，所以我完全絕對唔推薦大家去，除非大家唔怕等又唔怕俾人鬧
Post