Video
Read full review
2023-01-16
89 views
今日同朋友一行四人夜晚諗食咩，撞正今晚開始天氣轉凍，嚟到呢間舖頭見到佢個海鮮鍋好似幾正，啱晒冬天食，於是就坐低試吓，朋友話呢間新開，唔知係咪咁嘅原因，都好多人嚟試，現場都見到好多人食。我哋7:30入座，咁啱出面仲有户外坐位，所以我哋就唔使等，跟住到咗八點嗰陣聽到有個女士話佢預約咗八點，但係個職員同佢講話而家滿咗，叫佢等，我心諗，你都唔留枱比客人，咁點解仲要俾人預約，咁不如全部得Walk in？🤡我哋一開頭嗌咗啲串燒，羊架先上，其實size都偏細，不過味道OK，唔錯啊，於是我哋就開始嗌多啲，跟住發覺樣樣串燒都係同一個調味喎🙃調味一樣都由佢啦，但個重點係size係極極極細，明明睇佢手機落單個app呢，就唔似咁細嘅，上到枱呢就全部size用嚟攝牙罅嘅😓同樣地海鮮鍋入邊啲料就唔係好多，每樣都係幾件，所以其實好快就食晒，但係我哋係完全未飽，跟住再嗌左啲打邊爐嘢，但係啲火鍋料一上嚟，又中伏啦，全部都冇諗過得甘少，一份金菇都唔知有冇平時街市的一包，睇落似半包，肥牛得6片，我哋o左，(唔好意思，我太過近咁影，啲肥牛係冇你想像中咁大碟，應該放喺啲碗筷隔離影)我哋都覺得呢間舖頭食水食到咁深，最後我哋決定止
我哋7:30入座，咁啱出面仲有户外坐位，所以我哋就唔使等，跟住到咗八點嗰陣聽到有個女士話佢預約咗八點，但係個職員同佢講話而家滿咗，叫佢等，我心諗，你都唔留枱比客人，咁點解仲要俾人預約，咁不如全部得Walk in？🤡
我哋一開頭嗌咗啲串燒，羊架先上，其實size都偏細，不過味道OK，唔錯啊，於是我哋就開始嗌多啲，跟住發覺樣樣串燒都係同一個調味喎🙃調味一樣都由佢啦，但個重點係size係極極極細，明明睇佢手機落單個app呢，就唔似咁細嘅，上到枱呢就全部size用嚟攝牙罅嘅😓
同樣地海鮮鍋入邊啲料就唔係好多，每樣都係幾件，所以其實好快就食晒，但係我哋係完全未飽，跟住再嗌左啲打邊爐嘢，但係啲火鍋料一上嚟，又中伏啦，全部都冇諗過得甘少，一份金菇都唔知有冇平時街市的一包，睇落似半包，肥牛得6片，我哋o左，(唔好意思，我太過近咁影，啲肥牛係冇你想像中咁大碟，應該放喺啲碗筷隔離影)我哋都覺得呢間舖頭食水食到咁深，最後我哋決定止蝕，食晒枱面啲嘢就走啦，去過第二間舖頭食過，我真係唔知係呢間舖頭要嗌幾多野先至可以食飽？講緊我都係正常女仔食量。
呢間舖頭嘢食質素OK嘅，員工服務正正常常，但係個CP值超唔抵，所以唔會再有下一次幫襯。
Post
