鳴門割烹料理 (Closed)

今次揀咗Exchange Tower 嘅鳴門割烹料理～佢地有個Semi Buffet 可以盡情食呀😆主食揀咗：帆立貝海膽丼似加拿大海膽，都幾鮮甜，冇腥味😋不過就得一條，唔夠喉呀！而帆立貝都唔錯～因為壽司都有帆立貝，主食其實可以試其他！不過佢細細碗，唔使驚飽得滯另一主食：汁燒油甘魚超厚肉👍🏻肉質都比較結實，味道都唔錯，只係燒耐咗啲，不過燒魚仲要係咁厚肉，確實唔容易送咗兩隻磯煮鮑魚❤️呢個有驚喜，煮得好入味😋而且一啲都唔韌其他刺身正常放題水準明太子玉子燒同埋三文魚鰭都好好食😋後者燒得好香，好多魚油炸物方面：芝士年糕、吉列蠔&芝麻雞翼，炸到金黃色，好香口香脆😈好邪惡呀！串燒方面，個醬汁嘅味道好特別，好似有啲酒味。有我愛嘅雞軟骨👍🏻日式蒸蛋 好滑，有蟹柳同銀杏 👍🏻枝豆 同 胡麻豆腐沙律 🥗都唔錯👍🏻所有飲品汽水、橙汁、乳酸特飲都係任飲，不過可能我都踏入中女，食日本嘢都係鍾意飲熱茶多啲～環境寬敞、樓底非常高，有日光透入，坐得好舒服😌90分鐘半放題成人$238 小童長者$148星期六日及公眾假期12:00-14:00 供應