Video
Read full review
2021-05-17
216 views
前日行開尖沙咀 i square附近，見到呢間舖頭做緊試業優惠，還掂唔知食乜，就膽粗粗同朋友走上去試下。上到去後就好快有人安排座位畀我哋，店員（後尾發現係老闆娘）見我哋望住個menu時個樣好迷惘，就好自然咁行過嚟為我哋介紹，最後我哋叫咗黃金雞翼、胡麻綠寶、怪味花膠、紅油白𤩹、醉鳳凰同埋風酥豬扒菜飯。喺等緊嘢食期間就無聊周圍望下，店面唔大但整體好colorful，特別係牆身有好多唔同主題同style嘅畫：有南瓜車、水墨畫、貓貓望窗外夜景等等（可惜唔記得影相），初頭覺得有啲怪，但後尾諗返個店名係「夢樂園」，就覺得又幾襯幾特別呀。咁啱老闆娘行過嚟，我哋就傾咗幾句，發現牆身嘅畫原來全部都係佢畫，OMG😱！對於冇乜畫畫天份嘅我嚟講，真心覺得佩服！好啦，食物終於上場。作為偽食評家，覺得食物整體質素要俾4.5/5分，cp值係 4/5分，真心推介！黃金雞翼：所謂黃金就係我至愛嘅鹹蛋！鹹蛋香味好出，舌頭感到身處充滿鹹蛋幼沙嘅沙灘咁，好食到覺得個人有少少起雞皮，雞翼本身夠熱雞皮夠脆口，肉質嫩滑好juicy，整體完全唔肥膩，個balance做得好好，只恨一碟只有3大隻，覺得有啲唔夠喉，最後忍唔住攞啲咸蛋汁撈
上到去後就好快有人安排座位畀我哋，店員（後尾發現係老闆娘）見我哋望住個menu時個樣好迷惘，就好自然咁行過嚟為我哋介紹，最後我哋叫咗黃金雞翼、胡麻綠寶、怪味花膠、紅油白𤩹、醉鳳凰同埋風酥豬扒菜飯。
喺等緊嘢食期間就無聊周圍望下，店面唔大但整體好colorful，特別係牆身有好多唔同主題同style嘅畫：有南瓜車、水墨畫、貓貓望窗外夜景等等（可惜唔記得影相），初頭覺得有啲怪，但後尾諗返個店名係「夢樂園」，就覺得又幾襯幾特別呀。咁啱老闆娘行過嚟，我哋就傾咗幾句，發現牆身嘅畫原來全部都係佢畫，OMG😱！對於冇乜畫畫天份嘅我嚟講，真心覺得佩服！
好啦，食物終於上場。作為偽食評家，覺得食物整體質素要俾4.5/5分，cp值係 4/5分，真心推介！
黃金雞翼
$52
3 views
0 likes
0 comments
黃金雞翼：所謂黃金就係我至愛嘅鹹蛋！鹹蛋香味好出，舌頭感到身處充滿鹹蛋幼沙嘅沙灘咁，好食到覺得個人有少少起雞皮，雞翼本身夠熱雞皮夠脆口，肉質嫩滑好juicy，整體完全唔肥膩，個balance做得好好，只恨一碟只有3大隻，覺得有啲唔夠喉，最後忍唔住攞啲咸蛋汁撈埋落啲菜飯到食。
胡麻綠寶：綠寶即係萵苣，香港唔係好多地方有得食，所以就點咗佢。口感爽口味道清甜，作為小食，佢可以幫你食第二款食品前refresh下味蕾，等你食真啲味道。
醉鳳凰：即係醉雞。鍾意酒味嘅朋友絕不能錯過呢道菜，最正嘅係連雞翼位都去埋骨，係，成碟嘢係真正無骨，好想俾10個讚個大廚，好細心呀！
怪味花膠
$62
1 views
0 likes
0 comments
怪味花膠：我冇食錯嘅話，怪味即係麻辣。本身花膠冇味，所以麻辣醬要有返少少鹹。整體味道不俗，花膠爽滑，夾起嚟唔會一pat嘢，有彈性。
紅油白壁
$58
0 views
0 likes
0 comments
紅油白𤩹：即係蒜泥白肉。愛蒜味嘅朋友真係要點呢個：蒜夠多，味道香，肉夠薄，整體表現出色，好味過出面好多舖頭。繼鹹蛋汁後，又係另一個令我忍唔住要蒜蓉撈飯嘅一道小食。
風酥豬扒菜飯
$98
3 views
0 likes
0 comments
風酥豬扒菜飯：老闆娘介紹時話豬扒係用本地黑毛豬（加分！支持本地農業！），肉質彈牙，食到肉嘅甜味，脆而不硬，加埋個菜飯，兩個字：一流！
寶島腸：我朋友食哂，所以我冇食唔到，畀唔到食評
我哋見到menu有好多款特飲同幾款甜品，不過我哋第一次嚟，所以保守地點咗2杯蜜桃烏龍，味道清甜，桃味清香，飲完個人好舒服。初頭覺得價錢有少少貴，但食完覺得真係值呢個價，因為食物質素同服務真係好好！好開心搵到一間真心好食，店員又nice嘅舖頭。老闆娘話，如果早啲book、人數夠兼大廚做到嘅話，佢哋仲可以安排廚師發辦或客人發辦嘅服務，聽到都覺得吸引，我決定搵多啲朋友一齊試下先！
醉鳳凰
$158
2 views
0 likes
0 comments
Post
