一風堂 (德福廣場) (Closed)

日日返工都要食lunch，短短個零鐘食晏時間，其實只要唔太差都好少有意見，但以一分錢一分貨嘅角度，呢間論服務到食物都唔多值。記得上一次lunch time，該店嘅自助取票機壞咗，門口亦冇職員接待，眼見至少有2張4人枱空著，入內搵唔知忙緊咩嘅職員查問，職員只解釋：「機件故障，唔知幾時整番」。便怱怱離開，亦沒有派籌讓我們等待……當時心想：如此服務態度，唔通真係好食到唔憂做？！今次一行5人再度親臨，試一試佢嘅實力。等咗大概5分鐘，職員安排一個4人坐位比我哋2女3男; 2女1男坐埋便梳化，空間峽窄到第3個人有2/3身位坐離張枱，唯有要求加櫈，初時職員婉拒，但後來可能見真係冇辦法食到嘢，都好快張櫈補上。$88嘅醬油札幌拉麵，未計加一，除咗第一眼見到舊超級肥膏之外，賣相都唔錯，麵嘅質感同粗幼適中，份量偏少，男仔一定唔夠飽，味道可以，不過湯底偏咸，味精過重，喝一口以足夠，唔能夠令你暢快地大啖大啖喝下總括而言，以價錢及服務來說，不值推介。