十三姨酸菜魚 (粉嶺中心) (Closed)

粉嶺呢個美食沙漠竟然會開酸菜魚，二話不說即刻要拜訪下～ 平日夜晚竟然要等位，諗住會好好食啦，點知又唔係喎😰見個二人餐好抵食，即刻叫黎試試先🫣招牌十三姨酸菜魚嗰一粒星係比個湯既 — 啲魚係一pat野，大力啲夾都散，出面包住好厚既生粉芡，冇魚味又冇魚既肉質，合埋眼食應該唔知自己食緊乜啲寛粉都係唔好食，煮到淋滋滋，明明寛粉係食佢煙煙韌韌個口感 👉🏻擂椒松花皮蛋呢個都算幾好食，辣辣地，幾惹味，有啲似譚X幾感覺。面頭啲花生好好食。👉🏻秘製雞翼第一啖食落口真係好食，覺得炸到好酥脆，仲要蘸左啲辣粉，好有風味。但食食下 啲雪味真係係啲肉度滲出黎🥴 好種好唔新鮮既感覺👉🏻口水汁無骨雞呢個最好係佢去左骨！啖啖肉，同埋佢啲雞份量好多，啲汁又幾好食，但都係有陣慢慢滲出黎既雪味🥴 最後食淨晒既反而係碟酸菜魚，真係食唔落口，反而啲小菜仲好食，但應該都唔會再黎食第二次