水門雞飯 (蟾宮大廈)

Open Now

Now Closed

今日做野做到冇晒時間，到覺肚餓時已經好晏啦，即刻要搵啲野食。同事話附近間水門雞飯好得，快靚正，所以就即刻去食。過左食飯時間，冇咩人，可以好快有位同食野。黎到更係要食雞，要左半份。 黎到幾靚，雞冇骨，皮肉分明，睇到冇咩肥膏，好放心食。 佢仲要少少雞雜跟，我就鍾意食佢既雞腎多啲，好爽，同勁滑嫩既雞肉好大對比，好夾。 佢仲要跟埋有個楜椒湯，好暖胃。睇有咩菜時竟然有韮菜花，真係好少見，比其他菜吸引多啦。 韮菜花好嫩好甜，加埋佢地自己炸既蒜蓉同秘制豉油，好好味，而且夠大碟，好難得。因為肚餓，要多個炸腩仔，都算唔錯，冇想像中油，但最後都食唔晒。第時肚餓都唔可以太睇得起自己。試左佢地既泰式凍黑咖啡，整體係ok既，但意外係佢甜既。 如果可簡稱甜就好。 不過可能係我唔飲甜先覺麻麻，味道算唔錯的。而食物真係幾好，同事冇介紹錯。