Signature by 5R (Closed)

被網民取名為唔會溶化嘅雪糕，味道到底係點呢？✨法式忌廉牛油酥皮筒小編今日買咗三款：雲呢拿吉士、抹茶紅豆、藍莓芝士🫕 ，先要讚佢嘅楓糖號角，真係勁好味，勁酥脆(⁎⁍̴̛ᴗ⁍̴̛⁎)而且全部即場製作，望住店員一圈圈咁吱真係夠晒儀式感。特別喜歡佢嘅抹茶紅豆口味，抹茶忌廉濃郁清幽，口感夠滑，底部放上綿綿甜甜嘅紅豆蓉，食落雙重口感！✨經典開心果拿破崙、芒果拿破崙兩款拿破崙都各有千秋，不變嘅係香酥口感。開心果味特別印象深刻，用上原顆開心果打碎而夾於脆餅其中，顆粒口感夠哂豐富；芒果味清甜，配搭吉士醬亦都做到甜而不膩。✨香橙朱古力蛋糕做得有層次，鏡面光滑，朱古力慕絲幼滑香濃，裡面更有用上新鮮鮮橙整成嘅果醬，兩款口味並無喧賓奪主，反而食完帶點清香。