熊本燒肉

Open Now

Now Closed

最近同媽咪去銅鑼灣行街，順便試吓呢間喺銅鑼灣嘅熊本燒肉放題。我哋揀咗Set B 極上澳洲和牛燒肉火鍋放題，性價比勁高呀！🥳 用平板電腦落單好方便快捷，食物送餐速度都好快，服務效率唔錯👍。澳洲和牛選擇好多，肉質普遍都好嫩滑，入口即溶🤤，尤其係封門柳，牛味勁濃郁，好回味！牛筋條醃得啱啱好，入味又唔韌👏。我哋仲叫咗個日本和牛拼盤，三筋肉最好食，入口即溶，油花分佈好均勻😋！連比較少見嘅和尚頭都好好食，脂肪少，口感幼細柔軟，但赤身味又幾濃，睇得出餐廳喺選料方面幾用心👍。Set B 升級嘅「極尚 JMBO 海鮮燒系列」真係好正！🤩 啲蟶子勁大隻又鮮甜飽滿，扇貝多汁鮮美，鮑魚爽口彈牙，虎蝦嫩滑彈牙，生蠔巨大鮮美，皇帝蟹腳鮮甜多膏，份量十足！海鮮好新鮮，質素都好高，鍾意食海鮮嘅朋友一定會好滿足😋！火鍋方面，我哋揀咗「極邪惡博多牛腸鍋」同「人氣柚子雞湯底」。「極邪惡博多牛腸鍋」個名真係無講錯，牛腸勁多，湯底濃郁香醇，好惹味😈！「人氣柚子雞湯底」就清爽開胃，有淡淡嘅柚子味，啱晒中和返燒肉嘅油膩感，淥吓生菜都幾好食🥬！總括嚟講，熊本燒肉放題性價比勁高，肉同海鮮質素都好高，選擇多樣化，服務效率高，環境舒服💯。