阿土伯鹽水雞 (東廣場)

Open Now

Now Closed

1人餐（胸腿各一半）HKD45配菜：豆乾、蓮藕、齋根原味（地道胡椒味，微辣）、小辣加拉麵 HKD7Lunch間唔中都會食吓阿土伯，尤其係唔特別餓嘅時間，但又好想食嘢嘅時候覺得食佢冇咁Heavy。（係⋯我係為食到唔餓都會好想食嘢嘅！）前排佢哋店面裝修咗，以前有個玻璃櫃可以見到配菜，而家就冇咗，睇唔到啲配菜搭嘅時間好似唔知點咁。雖然呢，其實每次都會揀豆乾、蓮藕、齋根，哈哈！間中會其中一樣換成西蘭花。但有得睇住又真係好啲喎，至少我見到嗰款嗰日唔靚我可以唔揀嘛！講返食物，最最重要我覺得係個汁，撈埋一齊真係好惹味！通常我會食中辣，都真係幾辣㗎，好正！鹽水雞嘅雞肉係比較爽，唔會好淋比較有嚼口。齋根基乎係我必點，因為好索汁！但同台灣朋友講開，佢地佢未食過齋根放喺鹽水雞入面，台灣人通常係拎嚟餸粥食喎，唔緊要啦，我就係鍾意咁食，哈哈！蓮藕就好爽脆但又唔會硬。豆乾係正常咁啦，呢樣冇話點煮得好食唔好食，純粹我本身好鍾意。如果比較餓時會加拉麵，掛晒汁超正！（台灣朋友又話鹽水雞唔會加麵，哈）裝修後第一次食返，好似同之前冇乜分別！唔理佢係唔係正宗台灣風格啦，總之就好好食！而且如果唔配拉麵，都係一個低碳之選！