Domon 居酒屋 (西寶城)

Open Now

Now Closed

8月2日星期日中午，係網上外賣平台叫咗外賣。11:50落訂，app話12:10有，我12:10落去等，同個男侍應講，佢叫我等等。係我前邊已經有一班男工友等到唔耐煩，話等咗九個字，等到佢哋冇時間食。佢哋攞咗之後，我不停問佢哋得未，果一男一女嘅侍應淨係識得叫我等等，我12:30走埋去廚房出邊問過女侍應究竟我張單點，個女侍應淨係識得講「我唔知，你等等」。最討厭嘅係竟然叫我不如取消張單！！！咁我等咗咁耐究竟等緊咩！有客人不停吹單淨係識得叫人等等，完全唔跟進！我見到佢不停係咁出嘢食但係就冇出到我嗰份，最後我係要喺廚房面前叫個女侍應叫入廚房整我嗰份！真係要教埋佢點做！最後我12:40先至攞到我嘅嘢食！一定冇下次！