Baan Phadthai (Closed)

東港城開咗間新嘅泰國菜，連續5年榮獲米其林推介餐廳，梗係要試啦😍😍餐廳環境舒服，服務都好好，問職員有咩好食，佢會好用心推介啲食物俾我哋，非常好👍🏻燒豬頸肉phad thai，$88餐廳最出名嘅炒金邊粉，口味同泰國食到嘅相似，口味偏酸甜，比較乾身，非常正宗，而且粉嘅口感好正，有咬口，我哋揀嘅豬頸肉，又係好爽口，推介大家一定要試呀🤩鮮菠蘿炒飯，$88師傅炒得勁有鑊氣，好香呀，料足味好，海鮮有扇貝、蝦同魷魚，加上粒粒菠蘿，鹹中帶甜，好好味😋炸蝦餅，$88呢度嘅蝦餅係全人手打㗎，而且粉好薄，啖啖肉勁彈牙，佢嘅汁都係酸甜為主，不過同平時食開嘅有少少唔同，配炸嘢一流。茫果糯米飯，$58最後一定要食呢個甜品，上嘅時候啲糯米飯仲係熱嘅，非常香嘅斑斕味，上面有啲脆脆，加埋椰奶，食落口又香又甜，好好味😋菠蘿汁 $38 & 椰青 $42菠蘿汁原來係菠蘿冰😍啱晒我呀，唔會好甜，不過菠蘿味好出，充滿熱帶風味。椰青又係好甜好滋味。食泰國菜一定要飲呢啲。試咗幾樣野都覺得好好味呀，所以下次要試埋咖喱同小菜先😍住附近嘅人記得去食啦。