麺処一家 (Closed)

尖沙咀嘅厚福街都算係一條出名嘅食街，狹窄嘅小巷入面開滿左各式各樣嘅餐廳。今次我就隨意入左呢間拉麵店，結果味道都唔錯。✨料理長の選（$108）鋪頭有三款拉麵可以選擇，三款嘅湯底都係豚骨魚介湯，分別在於用左唔同嘅叉燒。我今次就試左料理長の選，價錢最貴但就可以一次過試晒慢煮豬肩肉同火炙豬腩肉😋湯底飲落味道濃郁，有非常濃郁嘅魚鮮味。麵條方面餐廳就選用左較為幼身嘅細麵，口感都唔錯。叉燒方面我自己就偏向鍾意火炙豬腩肉，食落肥美嫩滑油香十足。