廣麪子

Open Now

Now Closed

呢日來到灣仔地鐵站附近大王東街呢間“廣麪子”，原來正如朋友所講，真係好多人，唔緊要吖，為咗美食等多陣係值得嘅。嗌咗個有豐富材料雲吞、切腩、牛丸和魚蛋片的“切腩四寶撈麵”，咦，好似有五寶喎，魚蛋和魚蛋片一齊計就四寶，分開計就五寶，攢咗一寶😄😄睇下其中的“切腩”牛味濃郁，够晒冧身，好正 ；“雲吞”亦大大粒，內有好多鮮蝦；"牛丸"彈牙爽口；鮮制魚蛋，魚蛋片食得到同平時吃嘅好唔同的新鮮的味道，店家話係即日製作嘅。除咗魚片，“酥炸魚皮”亦係即日炸，香脆可口，再配送埋的蔥花湯，非常之好味。由於切腩是比一般腩牛肉味道更濃，因此又嗌咗個“浄清湯切腩”，食得更暢快。今次食切腩，下次試吓爽腩、坑腩、崩沙腩。“蠔油菜心”細細條，非常幼嫩，非常之甜口，必須一讚。估唔到有 “雜果賓治”嗌，朋友點咗，至於我當然叫個“消脂青檸”飲品，呢度唔會淨係得咖啡，奶茶飲，我鍾意💗