MOONKOK (K11 Art Mall) (Closed)

今日試咗K11的一家新店，食物質素唔錯，悠閒飲野好地方，叫咗4樣野食，分別係︰吞拿魚沙律、英式炸雞配韓式辣椒醬、西班牙伊比利亞豬胺架同埋和牛漢堡配薯條。吞拿魚沙律嘅沙律菜好Fresh，少少汁唔會太濕，吞拿魚正常野唔太乾身咁啦。英式炸雞配韓式辣椒醬其實即係炸雞啦，不過D雞都算幾Juicy，個醬好食唔怪得知要Highlight啦。西班牙伊比利亞豬胺架都唔錯，個汁配得好好，如果份量多返少少就更開心。和牛漢堡做得好靚仔，Size唔算太大，因為有時D Burger太大真係會Handle唔到，成手都係汁，呢個OK。呢隻生啤係德國黎嘅，唔太苦，仲有少少甜味，印象中出面好少見。House Wine算唔錯，呢度飲吓野傾下計真心唔錯。