牛涮鍋

Open Now

Now Closed

好耐冇食牛涮鍋，印象中都係普通連鎖火鍋店。不過今次嚟食覺得有d驚喜嘅，唔知係呢間分店定而家真係唔同咗呢？我哋揀咗lv.2嘅餐，包咗兩款牛肉，覺得兩款望落去個樣同味道都算唔錯。由於唔係比較肥美嘅部份，油脂香就冇乜，但都有牛味同唔算韌嘅。湯底方面：番茄湯茄膏落得太重手，略酸同埋個紅色太勁，一般；黑蒜油豚骨湯就只係望落有層黑黑地嘅油喺面，食落冇乜蒜味，可以直接叫普通豚骨湯，略失望。其他自助食材都算係正正常常，仲有關東煮同炸物拎（有一部分就係用Qr code 嗌）。個人推薦炸雞翼，皮脆肉嫩，而且冇炸皮，好食。甜品個卷蛋太冰，其他都正常。整體嚟講都唔錯嘅，可以再嚟食。