Video
Read full review
2021-10-03
521 views
喺網上見到關於間餐廳嘅食物介紹，講到烏冬天上有地下無，湯底又好味到爆，忍唔住就嚟咗試下，殊不知期望越大失望越大。1.明太子煎蛋卷（$98）成份4-5件，中間夾咗啲明太子，但食落去得少少鹹味，毫無特色可言，可以用普通兩個字概括。2.牛扒配牛舌（$158）分量偏少，幾啖就冇。牛舌呈片狀，薄到一個點，食落去係爽脆嘅，唔係我想象中軟糯嘅牛舌口感。牛扒亦呈條狀，鞋口且無味，唔怪得牛扒上面鋪滿哂蘿蔔蓉，如果唔餸住蘿蔔蓉食，相信我都食唔落。3.雞白湯沾烏冬（$118）呢樣野本身係我最期待嘅，但出品卻狠狠傷咗我個心。首先係雞肉，原本我喺YouTube見到人地片中嘅係有煎過，雞皮帶有焦糖色嘅雞肉，所以我都專登問咗樓面可唔可以另上雞肉，費事俾啲湯浸到淋哂，但樓面話唔得，等到碗野上場我先知原因，啲雞肉根本就冇煎過，就咁瞓喺啲湯入面，雞皮發漲，入口只有唔滑，兼且得鹹味，如果我想回味佢，只要切啲雞脾用鹽煮下就得。跟住係湯，講明係沾麵，我預想佢嘅湯會比較濃稠，咁樣先沾得起。估佢唔到啲湯稀過希爾頓，完全無法掛喺啲麵到，最終我唯有當湯麵食，但可惜嘅係，佢啲湯都只係普通雞湯，最多係多咗啲奶油味，就算當佢係湯麵，都唔係一
1.明太子煎蛋卷（$98）
成份4-5件，中間夾咗啲明太子，但食落去得少少鹹味，毫無特色可言，可以用普通兩個字概括。
2.牛扒配牛舌（$158）
分量偏少，幾啖就冇。牛舌呈片狀，薄到一個點，食落去係爽脆嘅，唔係我想象中軟糯嘅牛舌口感。牛扒亦呈條狀，鞋口且無味，唔怪得牛扒上面鋪滿哂蘿蔔蓉，如果唔餸住蘿蔔蓉食，相信我都食唔落。
3.雞白湯沾烏冬（$118）
呢樣野本身係我最期待嘅，但出品卻狠狠傷咗我個心。
首先係雞肉，原本我喺YouTube見到人地片中嘅係有煎過，雞皮帶有焦糖色嘅雞肉，所以我都專登問咗樓面可唔可以另上雞肉，費事俾啲湯浸到淋哂，但樓面話唔得，等到碗野上場我先知原因，啲雞肉根本就冇煎過，就咁瞓喺啲湯入面，雞皮發漲，入口只有唔滑，兼且得鹹味，如果我想回味佢，只要切啲雞脾用鹽煮下就得。
跟住係湯，講明係沾麵，我預想佢嘅湯會比較濃稠，咁樣先沾得起。估佢唔到啲湯稀過希爾頓，完全無法掛喺啲麵到，最終我唯有當湯麵食，但可惜嘅係，佢啲湯都只係普通雞湯，最多係多咗啲奶油味，就算當佢係湯麵，都唔係一碗優質嘅湯麵。
最後嚟到烏冬，我上文不斷講麵，原因就係因為佢嘅烏冬食落真係似麵，仲要係可以喺佳寶買到嘅幼身家常麵，勉強可以話佢口感係有韌性嘅，但有啲韌性嘅佳寶家常麵，呢啲就係正宗烏冬？咁我真係唔識欣賞，食返啲喺759買嘅急凍烏冬好過。
4.炸雞（新用戶註冊贈送）
邊個可以諗到，最令我滿意嘅反而係送嘅炸雞，雖然佢味道單一，鹹中有些微苦味，但佢夠熱夠脆，加上其他野食嘅襯托，便顯得佢品質較好。
講完食物，我都想講埋服務，可能係忙嘅緣故，啲員工心情唔太好都可以諒解，但就特別有一位女員工，塊面黑過包青天，攞水俾客嘅時候大大力揼落張檯到，又對自己嘅同事唔友善。如果大家去食野時遇到疑似我所描述嘅女員工，可以問下佢咁唔開心，做咩唔quit咗呢份工，相信呢份工嘅薪金都唔係好吸引嘅。
最離譜嘅係，我嗰日見到佢分量偏少時仲諗住味道唔錯嘅話，仲可以加單，可惜佢嘅味道亦令我只想食完盡快走，而事關肚餓嘅緣故，我都將佢啲野食掃哂，帶住5分飽嘅感覺奪門而出。
所以如果有人想去試下間餐廳，又見到我呢個評論嘅話，請三思而後行，我同你一樣都好疑惑，既然我講到佢咁普通，點解佢仲可以有咁多笑哈哈。
33 views
1 likes
0 comments
Post
