九頭鳥米線

Open Now

Now Closed

今日同同事去咗中環開會，一放工就走咗去翻新咗嘅中環街市趁下熱鬧，因為人太多所以行咗個圈就走去附近搵食，見到間舖叫九頭鳥米線，個名咁搞笑就入去試吓！可能我哋早，所以冇咩人，兩個人可以舒舒服服坐卡位同事叫咗碗過橋米線，加一蚊叫咗個湖南酸辣湯底魚肉春卷加雞肉配紅薯粉，加一蚊叫咗個四川麻辣10小辣湯底阿姐送碗過橋米線上枱嗰陣，我真係忍唔住「嘩」咗一聲，好大碗米線，份量好足，同事食完都話好飽。我碗紅薯粉份量都唔少，魚肉春卷都有三條。之前食中環間譚仔，好似冇咁多餸。價錢同譚仔差唔多，哩間湯底都唔錯，不過四川麻辣10小辣真係一D都唔辣，下次都係叫返5小辣。