Video
Read full review
2020-10-21
145 views
今日晏晝 3 點幾入到去將軍澳想行吓, 順便搵食, 上嚟 search 到喱間 Coffee Art, 就一於去試吓啦! 雖然店家位於商場地下門口隔離, 但人流唔多, 所以好好彩地唔使等, 量完體溫消毒完對手, 店員就安排入坐了。 由於我同 P san 上晝食咗好豐富嘅早餐, 晏晝只想食個 tea 算了, 所以點咗兩份 Mini All Day Breakfast, 佢有四款主菜可揀, 我同 P san 分別揀咗配英式豬肉腸同煙三文魚。 等咗唔夠 10 分鐘, 食物上枱了。 Mini All Day Breakfast 除咗會配主菜外, 仲會配兩片法包、 沙律菜同炒滑蛋。 先講吓主菜英式豬肉腸, 喱個唔太突出, 不過有淡淡嘅西式香草味、少少豬肉味同黑椒味, 同一般嘅英式豬肉腸差不多; 而煙三文魚方面, 有煙薰味而且唔會太咸, 但未算太出色。 之後就講吓配菜方面, 滑蛋真係好滑, 所以我估店家應該有落奶去炒, 而且有好香蛋味; 嗰兩片法包, 塗咗橄欖油同少少西式香草, 有住淡淡嘅香氣, 而法包外脆內軟, 都幾有口感; 最後亦都係我最欣賞嘅沙律菜, 店家將菜切到每一片都細細片, 好易放
由於我同 P san 上晝食咗好豐富嘅早餐, 晏晝只想食個 tea 算了, 所以點咗兩份 Mini All Day Breakfast, 佢有四款主菜可揀, 我同 P san 分別揀咗配英式豬肉腸同煙三文魚。 等咗唔夠 10 分鐘, 食物上枱了。 Mini All Day Breakfast 除咗會配主菜外, 仲會配兩片法包、 沙律菜同炒滑蛋。 先講吓主菜英式豬肉腸, 喱個唔太突出, 不過有淡淡嘅西式香草味、少少豬肉味同黑椒味, 同一般嘅英式豬肉腸差不多; 而煙三文魚方面, 有煙薰味而且唔會太咸, 但未算太出色。 之後就講吓配菜方面, 滑蛋真係好滑, 所以我估店家應該有落奶去炒, 而且有好香蛋味; 嗰兩片法包, 塗咗橄欖油同少少西式香草, 有住淡淡嘅香氣, 而法包外脆內軟, 都幾有口感; 最後亦都係我最欣賞嘅沙律菜, 店家將菜切到每一片都細細片, 好易放入口, 再配埋佢嘅日式柚子醋, 又香甜, 又有少少酸, 好開胃, 而且菜好新鮮, 每片都青綠爽脆, 但份量就唔係太多, 但對於我哋只係想來個輕食嘅人嚟講, 已經好夠了。
Mini All Day Breakfast 英式豬肉腸
$48
16 views
0 likes
0 comments
Mini All Day breakfast 煙三文魚
$55
18 views
0 likes
0 comments
店家叫 Coffee Art, 當然要點返杯咖啡試吓啦! 我同 P san 分別點咗杯, 鮮生薑蜜糖拿鐵同莫卡咖啡, 都係跟餐加 $28。
喱個鮮生薑蜜糖拿鐵, 顧名思義除咗咖啡, 仲有新鮮嘅生薑、 蜜糖同奶, 蜜糖店家會另上, 再由客人因應個人喜好加入, 在未加蜜糖之前先試一口, 真係有薑渣, 感覺到店家新鮮磨出嚟, 薑又唔會太辣, 只有淡淡薑嘅清香, 咖啡聞落亦好香, 可能因為係拿鐵, 有大量奶, 所以唔係太重咖啡味, 再配埋生薑, 原來又幾夾, 幾平衡, 即使未加蜜糖, 都唔覺苦澀, 加埋蜜糖, 有陣蜜糖清香, 令喱個生薑蜜糖拿鐵增加咗一點香氣。
鮮生薑蜜糖拿鐵
$28
13 views
0 likes
0 comments
再嚟係莫卡咖啡, 朱古力同出面有分別, 可能係因為店家用上 70% 比利時朱古力調泡, 朱古力味都幾濃, 而且好香, 但唔甜, 再加上咖啡, 同奶, 感覺好綿滑, 未加糖之前試咗一口, 之後 P san 加咗半包糖再試, 有少少甜味更香濃, 再加上店家喺每一杯咖啡都有不同嘅拉花, 好吸睛, 睇到已經唔捨得飲同覺得心情好愉悅。
莫卡咖啡
$28
14 views
0 likes
0 comments
食完嘢, 我哋喺店入面, 邊坐邊嘆咖啡, 坐咗半個鐘左右離坐。 店面裝潢簡約, 有落地大玻璃窗面向街外, 但可惜當日未能被安排坐喺窗邊, 但店家嘅氛圍令我哋喱啲平時生存喺好緊張環境嘅香港人放鬆, 係難得一間喺商場入面嘅 cafe。
Post
