善茶 (Closed)

當奶蓋同黑糖珍珠奶茶大行其道之時，尖沙咀白蘭軒道悄悄地開左一間賣港式奶茶嘅外賣飲品店。地理位置唔算有利，但飲品嘅特色相信可以吸引唔少客人。絲襪奶茶一向係香港茶記嘅標誌，而善茶將呢項精髓盡現，不少媒體亦曾報導📺客人可以單點港式絲襪奶茶、鴛鴦、咖啡或奶茶紅豆冰等港式系列，亦可選擇不同茶底加珍珠！其中最吸引我嘅係一款店長推介「普洱珍珠拿鐵」。我完全想像唔到中式嘅普洱茶加咗牛奶之後到底會係乜嘢感覺。平時我最鍾意嘅係伯爵茶加奶，但中式茶我自己就比較少落奶。意想不到嘅係，普洱獨有嘅茶香同鮮奶混合之後，竟然有一種奇妙嘅化學作用，飲落順滑，香氣獨特，難怪係店長推介！珍珠都好又有咬口，整體來講係一杯非常出色嘅飲品！