Video
Read full review
2019-12-29
155 views
Chatterbox Cafe #尖沙咀記得呢一間海南雞飯啱啱嚟到香港嘅時候掀起一番熱潮，話晒都係新加坡文華酒店嘅馳名海南雞飯，直到而家都係要排隊，好彩當日五點就去到，唔使排隊直接有得食！🐓 文華海南雞飯 $118其實見到大部份嘅食評都係麻麻地，但依然犯賤地想試一試，可能期望太低，又冇我想像中咁難食嘅，不過就稱得上係最好食嘅海南雞飯。海南雞雖然浸住咗係啲甜豉油上面，但係食落去依然係淡茂茂。另外仲配有三種由新加坡運來嘅醬料，分別為辣椒醬、薑蓉、醬油，就算點完都係一般。提一提佢嘅辣椒醬真係好辣，千祈唔好貪心點咁多啊！雖然啲雞係用上走地雞，但係肉質真係好鞋。勝在唔肥膩，而且已經起晒骨。可取之處係佢個油飯算唔錯，香得來又唔會覺得油膩，用咗泰國舊米，粒粒分明。另外仲配上一碗雞湯，入面有豆腐，清清地咁，尚算可以。但係以呢個價錢來講我就覺得唔算特別抵食，之前喺北角食過一間叫瓊媽媽嘅好味一百倍，如果要排隊嘅話就唔建議食。味道: 3.2/5性價比: 3/5招牌雞肉喇沙 $108相反佢嘅喇沙就令人滿意得多，喇沙湯混入左多種香料同埋乾蒜， 香濃、重椰醬味，帶少少辣更添惹味。唯獨係爭咁少少海鮮嘅鮮甜，成個湯底
記得呢一間海南雞飯啱啱嚟到香港嘅時候掀起一番熱潮，話晒都係新加坡文華酒店嘅馳名海南雞飯，直到而家都係要排隊，好彩當日五點就去到，唔使排隊直接有得食！
🐓 文華海南雞飯 $118
其實見到大部份嘅食評都係麻麻地，但依然犯賤地想試一試，可能期望太低，又冇我想像中咁難食嘅，不過就稱得上係最好食嘅海南雞飯。
海南雞雖然浸住咗係啲甜豉油上面，但係食落去依然係淡茂茂。另外仲配有三種由新加坡運來嘅醬料，分別為辣椒醬、薑蓉、醬油，就算點完都係一般。提一提佢嘅辣椒醬真係好辣，千祈唔好貪心點咁多啊！
雖然啲雞係用上走地雞，但係肉質真係好鞋。勝在唔肥膩，而且已經起晒骨。
可取之處係佢個油飯算唔錯，香得來又唔會覺得油膩，用咗泰國舊米，粒粒分明。
另外仲配上一碗雞湯，入面有豆腐，清清地咁，尚算可以。
但係以呢個價錢來講我就覺得唔算特別抵食，之前喺北角食過一間叫瓊媽媽嘅好味一百倍，如果要排隊嘅話就唔建議食。
味道: 3.2/5
性價比: 3/5
招牌雞肉喇沙 $108
相反佢嘅喇沙就令人滿意得多，喇沙湯混入左多種香料同埋乾蒜， 香濃、重椰醬味，帶少少辣更添惹味。唯獨係爭咁少少海鮮嘅鮮甜，成個湯底望落去亦都灰灰鞋鞋色，唔算太討好。
好在呢個喇沙入面啲雞肉又滑啲喎，而且浸住喇沙湯，有味好多。另外仲有幾塊魚片，比一般市面上嘅魚片彈牙魚香。
另外喇沙面係用咗米線，有別於平時食開嘅油面或者米粉，好彩米線都幾爽口彈牙，甚至比好多米線店煮得好，而且都幾掛湯，好食過佢嘅海南雞飯！
味道: 3.6/5
性價比: 3.2/5
招牌文華海南雞飯
$118
93 views
1 likes
0 comments
招牌文華海南雞飯
$118
69 views
0 likes
0 comments
招牌雞肉喇沙
$105
68 views
0 likes
0 comments
Post
