十字冰室 (恆陞大樓)

Open Now

Now Closed

今天又到西營盤做嘢，諗住行去高街睇下有咩醫肚，比佢個霓虹招牌吸引埋去睇，見舖面OK又想快食完就閃，於是坐低嗌咗個牛尾湯湯粉餐，驚喜在佢係「真心牛尾湯」，足料濃味而且唔係比牛尾「碎」你，係堅一嚿嚿可以𡁻嘅牛尾肉，好味到我當住家湯飲鬼哂。黑松露炒蛋夠特別，不過我本身唔太好松露、唔識評。又見佢有個gimmick 樽仔奶茶，我呢啲奶茶毒友點會唔試，對於「十字牌」我無乜集體回憶（我唔係果個年代嘛），不過個奶茶我就好like，可能茶味偏重啱哂我。而且店舖裝修幾有型、有幅類似graffti 嘅牆、廁所位扮後巷貼滿街招幾有心思，不過趕時間又一條友無影到相。唯一不足店面偏細好少位，想坐耐啲都唔好意思阻住人做生意。下次過開黎可以返兜，我見到隔離檯個燒春雞好似好正😝😝