Video
Read full review
2021-09-14
71 views
越南菜🇻🇳喺我的喜愛之一，特別喺生牛肉湯河，百吃不厭😆。上星期喺銅鑼灣行完街，兜咗去加路連山道搵食，遇上了春嬌✨春嬌嘅室內裝潢好有越南風味，掛滿一盞越南藤編吊燈、越南壁畫，仲有一把好精緻的越式風扇吊燈，充滿異地風情。欣賞完，去落單😂🍲河內生牛肉金邊粉呢到主打金邊粉，隨熱辣辣嘅湯碗盛上。爆多蔥及洋蔥，加少少青檸汁頓變清香。大大塊嘅生牛肉，被熱哄哄嘅湯浸至半生熟，食落軟稔甘香，再夾一口金邊粉，完美！🍲香茅雞翼湯檬見到3隻肥嘟嘟賬卜卜嘅香茅雞翼，即變心心眼😍 剛剛炸好就上枱，所以非常熱。香茅令雞翼釋放獨特清爽嘅香氣，每咬一啖都溢齒留香，喜歡雞翼嘅朋友不要錯過😉🥣酸辣鳳爪沙律喺我嘅飛佛，幾乎餐廳有都會點嚟食！酸酸地辣辣地，加上大量洋蔥、西芹等口味濃嘅配料🌿，食落好開胃😋 🧋志明奶茶成世人流流長，總會遇到一杯好嘅奶茶。志明奶茶有別於一般港式奶茶，用嘅茶底唔同，飲落有啲越式風味，都喺一杯好茶！有機會要試試看！🥤珍多冰用椰漿沖調而成，加份大量餡料。一條條嘅珍多質感爽滑味道清甜，飲完味蕾留有一絲絲清甜😌好飲去咗越南咁
越南菜🇻🇳喺我的喜愛之一，特別喺生牛肉湯河，百吃不厭😆。上星期喺銅鑼灣行完街，兜咗去加路連山道搵食，遇上了春嬌✨
春嬌嘅室內裝潢好有越南風味，掛滿一盞越南藤編吊燈、越南壁畫，仲有一把好精緻的越式風扇吊燈，充滿異地風情。欣賞完，去落單😂
🍲河內生牛肉金邊粉
呢到主打金邊粉，隨熱辣辣嘅湯碗盛上。爆多蔥及洋蔥，加少少青檸汁頓變清香。大大塊嘅生牛肉，被熱哄哄嘅湯浸至半生熟，食落軟稔甘香，再夾一口金邊粉，完美！
🍲香茅雞翼湯檬
見到3隻肥嘟嘟賬卜卜嘅香茅雞翼，即變心心眼😍 剛剛炸好就上枱，所以非常熱。香茅令雞翼釋放獨特清爽嘅香氣，每咬一啖都溢齒留香，喜歡雞翼嘅朋友不要錯過😉
🥣酸辣鳳爪沙律
喺我嘅飛佛，幾乎餐廳有都會點嚟食！酸酸地辣辣地，加上大量洋蔥、西芹等口味濃嘅配料🌿，食落好開胃😋
🧋志明奶茶
成世人流流長，總會遇到一杯好嘅奶茶。志明奶茶有別於一般港式奶茶，用嘅茶底唔同，飲落有啲越式風味，都喺一杯好茶！有機會要試試看！
🥤珍多冰
用椰漿沖調而成，加份大量餡料。一條條嘅珍多質感爽滑味道清甜，飲完味蕾留有一絲絲清甜😌
好飲去咗越南咁
Post
