浪谷 (AIRSIDE)

Open Now

Now Closed

浪谷呢間餐廳好特別，冇諗到喺香港都可以一路睇住衝浪一路食飯，別有一番風味，最主要餐廳裝修風格真係好泰國，坐嘅位置都好舒適，啱晒同朋友聚會！沙嗲雞肉串沙嗲好香濃好惹味，而且雞肉燒得好香，好推薦👍🏻加多加多沙律係花生醬配上沙律菜、雞蛋、豆角同埋豆卜，完全吸收晒所有醬汁，再配搭埋蝦片，真係好正！對於我本身就係一個花生控嚟講，成個沙律都充滿花生醬真係好幸福🌸鴨肉炒飯呢個平時比較少食，成個炒飯好有鑊氣好有油香，而且鴨肉絲份量好多，啖啖飯都可以食到！大蝦粉絲煲大蝦有兩隻，但真係好大隻，有手板咁長，好新鮮，下面粉絲已經索晒蝦汁嘅味道，好鮮味🦐芒果奶昔呢杯係冇酒精，而且芒果味好香濃衝浪者可樂達呢個係莓味，有酒底，好啱女仔飲易入口椰絲斑斕卷配雪糕係斑蘭班戟包住椰絲，旁邊有黑糖漿同雲呢拿雪糕，成個配搭一入口就滿滿嘅椰絲香味，幾特別！成個晚餐用呢個嚟收尾，真係好滿足🥰