山東餃子館 (Closed)

喺開中環番工，好少去對面海食嘢。趁住今日放假，就特登落去深水埗試下啲傳統小店。出左地鐵站行左幾個街口見到呢間餃子店，自己就突然心血來潮想試一試，估唔到入面啲嘢食平得黎水準都唔錯。既然係一間山東餃子店，我就當然試左佢地嘅韮菜水餃麵。個麵份量都幾足下，麵質都算彈牙。主角水餃方面，餡都幾多下，韮菜都幾多下、幾新鮮，以呢個價黎講真係幾抵食。至於紅油抄手，個人覺得紅油都幾香，水準之作！不過講到最驚喜嘅，就係佢地嘅蔥油餅。蔥油香到不得之了，塊餅薄得黎好脆，一個字正！