Video
Read full review
2022-01-31
663 views
—————————————————————🍴美食資訊🍴油潑扯麵秘制豬仔骨（$70）所謂嘅油潑扯麵係陝西關中地區嘅傳統麵食，同啲見開嘅四川涼皮唔同，佢更加闊同好長好長，長到係「一條過」，食落個口感好滑好有咬口😋😋同啲辣椒油、酸菜同炸蒜等等干拌，超級無敵好食👍🏻連唔太鍾意食闊粉/闊麵嘅腩王子都出聲叫好😎至於豬仔骨都炆得幾淋幾軟爛，但係再滷入味啲會更好🐷招牌酸湯麵配羊肉餃（$80）齋望個湯已經知落足料，啲調味料都痴晒係碗邊，一睇就係超濃味個湯頭。一食第一啖麵已經覺得好開胃，酸酸辣辣咁🌶️ 再黎就係佢個麵真係好好味，係有彈性有咬口嘅幼麵（唔知係咪叫哨子麵呢？🤔🙈）更加要讚嘅就係佢個羊肉餃，外皮超煙韌，咬破之後羊肉味超濃咁湧出黎，正成碗麵都超好食🍜🥟潼關肉夾千層饃（$33）想食哩種千層饃好耐架啦，難得係香港見到！一咬落去真係酥酥脆脆，而且溫熱溫熱咁唔會辣手同辣口。不過個肉餡就略嫌調味唔夠濃導致成個饃食落冇咩味，我地後期攞成個饃沾油潑扯麵啲紅油食先覺得昇華左🤣😜手撕羊骨棒（$148）啲肉撕到一絲絲咁好容易食用。建議趁啲羊肉熱果陣快啲食，凍左冇咁香。沾埋少少黑醋食落冇咁寡。尖椒炒雞蛋（$68）農家小炒
—————————————————————
🍴美食資訊🍴
油潑扯麵秘制豬仔骨（$70）
所謂嘅油潑扯麵係陝西關中地區嘅傳統麵食，同啲見開嘅四川涼皮唔同，佢更加闊同好長好長，長到係「一條過」，食落個口感好滑好有咬口😋😋同啲辣椒油、酸菜同炸蒜等等干拌，超級無敵好食👍🏻連唔太鍾意食闊粉/闊麵嘅腩王子都出聲叫好😎至於豬仔骨都炆得幾淋幾軟爛，但係再滷入味啲會更好🐷
招牌酸湯麵配羊肉餃（$80）
齋望個湯已經知落足料，啲調味料都痴晒係碗邊，一睇就係超濃味個湯頭。一食第一啖麵已經覺得好開胃，酸酸辣辣咁🌶️ 再黎就係佢個麵真係好好味，係有彈性有咬口嘅幼麵（唔知係咪叫哨子麵呢？🤔🙈）更加要讚嘅就係佢個羊肉餃，外皮超煙韌，咬破之後羊肉味超濃咁湧出黎，正成碗麵都超好食🍜🥟
潼關肉夾千層饃（$33）
想食哩種千層饃好耐架啦，難得係香港見到！一咬落去真係酥酥脆脆，而且溫熱溫熱咁唔會辣手同辣口。不過個肉餡就略嫌調味唔夠濃導致成個饃食落冇咩味，我地後期攞成個饃沾油潑扯麵啲紅油食先覺得昇華左🤣😜
手撕羊骨棒（$148）
啲肉撕到一絲絲咁好容易食用。建議趁啲羊肉熱果陣快啲食，凍左冇咁香。沾埋少少黑醋食落冇咁寡。
尖椒炒雞蛋（$68）
農家小炒👨🌾覺得可以炒得惹味啲同有鍋氣啲會更好🤔與其話係尖椒炒蛋，倒不如話似青椒炒蛋多啲🤫🫑
紅糖糍粑（$48）
腩王子最愛嘅甜品之一🤴🏽不過哩間嘅糍粑整得比較淋身，少左啲煙韌嘅感覺🥲不過都叫做夠糯
西安冰峰橙汁（$18/罐）
味道同芬達/美蓮達一樣😂😅不過係西安出產咁解🍊
————————————————————
👑評分
味道：4/5
環境：3.5/5
價錢：3/5
份量：3.5/5
服務：4/5
會否推薦：會
難得係香港食陝西菜，哩間鋪頭最犀利嘅地方就係佢啲麵食類，無論係扯麵、哨子麵定係餃子皮，全部都好有咬口，超級好食！雖然鋪面細細，但係全場爆滿，食客基本上都係內地人、外國人同韓國人😜 可能係遊客推薦嘅食店之一？🤔
————————————————————
Post