Video
Read full review
2006-08-18
13 views
話說，當日同女朋友仔係淘大，突然興起飲茶，就去左明星到飲啦，一去到，冇人帶位都算啦~自己見位就坐，咁我都諗...下午茶多人0者，咁坐低嗌野食啦~嗌完係到等都冇問題..一直都冇事發生，甚至我地嗌左碗燒鵝瀨，佢俾左碗米線我，個傳菜都即刻幫我換返!之後d野黎得七七八八，就只係爭一杯泰式雜果冰。好啦，黎到喇...完全唔知係一杯咩黎，雜果冰..又有椰汁，又有紅豆，九唔搭八!!!咁女朋友仔唔飲得椰汁，又唔飲得酸野，成張menu唔係椰汁就係青檸，咁叫佢cancle啦個傳菜行到過黎，話佢話唔到事，就話叫個大d既黎，等左幾個字，先有個部長行埋黎問咩事話俾佢知啦，即刻話唔得!!話唔係佢地錯，仲話我地飲左一啖..唔可以cancel!!咁我地就問佢，咁係咪未掂過就可以cancel先??又唔答我地，話搵經理過黎~好丫~又等!又等左幾個字，成台野食冇掂過!就係等個經理黎!黎到喇~又問咩事，又講俾佢听啦~又話唔得，唔cancel得!!話咩寫到明係泰式架喇!一定有椰汁架啦!女朋友仔咪話:「泰式野夠辣啦!!唔通你杯野又係辣既?」個經理就話:「嘩...個個客都好似你地咁，黎到嗌完野食話唔岩個個都cancel，我地酒樓唔駛
自己見位就坐，咁我都諗...下午茶多人0者，咁坐低嗌野食啦~嗌完係到等都冇問題..一直都冇事發生，
甚至我地嗌左碗燒鵝瀨，佢俾左碗米線我，個傳菜都即刻幫我換返!
之後d野黎得七七八八，就只係爭一杯泰式雜果冰。好啦，黎到喇...完全唔知係一杯咩黎，雜果冰..又有椰汁，又有紅豆，九唔搭八!!!
咁女朋友仔唔飲得椰汁，又唔飲得酸野，
成張menu唔係椰汁就係青檸，咁叫佢cancle啦個傳菜行到過黎，話佢話唔到事，就話叫個大d既黎，等左幾個字，先有個部長行埋黎問咩事
話俾佢知啦，即刻話唔得!!
話唔係佢地錯，仲話我地飲左一啖..唔可以cancel!!
咁我地就問佢，咁係咪未掂過就可以cancel先??
又唔答我地，話搵經理過黎~好丫~又等!
又等左幾個字，成台野食冇掂過!就係等個經理黎!
黎到喇~又問咩事，又講俾佢听啦~
又話唔得，唔cancel得!!
話咩寫到明係泰式架喇!一定有椰汁架啦!
女朋友仔咪話:「泰式野夠辣啦!!唔通你杯野又係辣既?」
個經理就話:「嘩...個個客都好似你地咁，黎到嗌完野食話唔岩個個都cancel，我地酒樓唔駛做生意啦!」
女朋友仔:「依家我地係咪咁得閒黎到你酒樓嗌完野特登同你cancel呀!?咁真係唔飲得椰汁係咪都要飲呀?咁我飲完有咩事係咪你地間酒樓負責呀?我駛唔駛黎飲茶都帶定醫生紙呀?」
個經理竟然話:「嘩..你地咁奸茅!咁樣賴人地架咩?」
我話:「依家唔係賴唔賴呀!依家係叫你cancel一杯我地唔飲得既野呀!如果真係飲唔到都係擺係到要俾錢，你地間酒樓都幾好賺喎!」
個經理仲勁:「依家我係做到呀~我係可以幫你cancel杯野喎~但…依個係原則問題!」
我話:「你原則問題? 堂堂一間酒樓集團cancel一杯個客唔飲得既野飲，你竟然同我講原則問題!足足企係大庭廣眾同我嘈足半個鐘有多!?而家仲要同我講你做到但係你唔做!?你地算係什麼服務態度?」
後面有一木台中年女人說:「算啦，無謂為左一杯野飲嘈咁耐，我幫佢要左佢啦!」
經理2話不說咁將我飲過一啖既野飲擺過去佢地張台!如果我有病咁點算? 咁樣對d客?
之後我問佢扲投訴電話，經理竟然話:「好呀，你咪投訴我囉!」跟住行左去，當睇我唔到，去繼續浮游，等左3個字左右我再叫佢過黎問佢，佢答我冇! 之後我請佢離開我張台，佢同我講:「阿小姐，我企係到阻唔到你食野呀嘛?」
我對呢件事有十萬個不滿，我唔明白堂堂一個經理會用咁既態度對佢既客，知唔知咩叫顧客服務? 佢連最基本對人既禮貌都冇，我唔明點解我會投訴無門! 小小的連鎖茶館亦會因為沖出來的飲品令客人感到不可口而更換一杯，堂堂一間酒樓集團，竟然以那樣的態度對待食客!令人氣憤
Post