Video
Read full review
2022-12-30
138 views
.囍帖街隔離嘅一間隱世越式餐廳🇻🇳原來已經開咗6年，聽聞個老闆超鍾意食越南法包🥖當年特登飛咗去蜆港會安新城做參考指南，餐廳入面所有嘅裝飾都係由越南會安運送嚟香港🏮仲帶埋當地最好食嘅海南雞同發包食譜返嚟👏🏻.地點唔難搵，同bake house 係同一條街！！🤣🤣餐廳成個格局一目了然，坐位方面夠闊落👍🏼牆壁上仲有長洲嘅手繪壁畫，啱晒各位打卡用‼️.▪️越式春卷 $40 • 9/10真心有驚嘉💯 春卷皮用米粉做，所以食落特別香口🤤炸得好香脆之餘，亦唔會過份油膩👍🏼.✊🏼套餐COMBO SET $80 - 主食+小食+飲品✨Day Menu before 6pm.▪️主食：香茅豬頸肉撈檬 • 8/10豬頸肉超級香口！！肥瘦適中，份量都頗多～我同朋友都幾鍾意檬粉嘅質感，有啲似粗米粉，食落好彈牙👍🏼撈檬必加酸甜魚露碌冧汁🫙再將扎肉、蘿蔔絲、生菜絲、青瓜絲撈勻一齊食，味道酸酸甜甜，好清爽、開胃、解膩～.🫔跟餐小食：鮮蝦扎肉米紙卷 • 8/10皮夠哂薄，餡料亦都好足😋基本都係扎肉、蘿蔔絲、生菜絲、青瓜絲、米粉，仲有隻蝦🍤感覺好清新，加埋魚露好開胃🤭.▪️主食：海南雞湯河 • 8/10湯河一嚟到就已經聞到好香
囍帖街隔離嘅一間隱世越式餐廳🇻🇳
原來已經開咗6年，聽聞個老闆超鍾意食越南法包🥖
當年特登飛咗去蜆港會安新城做參考指南，
餐廳入面所有嘅裝飾都係由越南會安運送嚟香港🏮
仲帶埋當地最好食嘅海南雞同發包食譜返嚟👏🏻
.
地點唔難搵，同bake house 係同一條街！！🤣🤣
餐廳成個格局一目了然，坐位方面夠闊落👍🏼
牆壁上仲有長洲嘅手繪壁畫，啱晒各位打卡用‼️
.
▪️越式春卷 $40 • 9/10
真心有驚嘉💯 春卷皮用米粉做，所以食落特別香口🤤
炸得好香脆之餘，亦唔會過份油膩👍🏼
.
✊🏼套餐COMBO SET $80 - 主食+小食+飲品
✨Day Menu before 6pm
.
▪️主食：香茅豬頸肉撈檬 • 8/10
豬頸肉超級香口！！肥瘦適中，份量都頗多～
我同朋友都幾鍾意檬粉嘅質感，有啲似粗米粉，食落好彈牙👍🏼
撈檬必加酸甜魚露碌冧汁🫙
再將扎肉、蘿蔔絲、生菜絲、青瓜絲撈勻一齊食，
味道酸酸甜甜，好清爽、開胃、解膩～
.
🫔跟餐小食：鮮蝦扎肉米紙卷 • 8/10
皮夠哂薄，餡料亦都好足😋
基本都係扎肉、蘿蔔絲、生菜絲、青瓜絲、米粉，仲有隻蝦🍤
感覺好清新，加埋魚露好開胃🤭
.
▪️主食：海南雞湯河 • 8/10
湯河一嚟到就已經聞到好香濃嘅雞湯味🍲
驚喜嘅係海南雞嘅皮非常爽！！裏面嘅肉質超級滑😋
原來每隻海南雞都用咗自製嘅醬料同特別嘅浸雞方法去處理，先可以做到皮脆肉滑嘅效果👏🏻
河粉係選用越南嘅乾河粉，食落特別滑，不過略嫌有啲碎🫣
.
🐥跟餐小食：香蒜牛油雞翼 • 3/10
外表炸得好酥脆，裏面嘅肉汁亦能夠鎖住，幾juicy👍🏼
但係唔太覺有香蒜同牛油味🫠
.
🧉跟餐飲品：椰青水 • 7/10
好清甜🥹 但個人覺得好似同平時飲開嘅椰青水唔同味🤣
.
🍋跟餐飲品：熱香茅青檸水 • 7/10
青檸水味道非常清新，酸甜開胃～
配搭埋香濃嘅香茅，飲落好順口，又有潤喉效果，推薦👍🏼
Post
