名家韓國餐廳

Open Now

Now Closed

我地一家人上年去完韓國後就愛上了韓國美食~今次就特地去間出名的試試~成餐飯都好美味~招呼仲好周到~值得一讚!!首先出場的有八款前菜~辣豆腐、甜蕃薯、蘿白絲、漬豆角沙律、韓國粉絲、泡菜、海帶芽菜全部都好開胃~我最鍾意食個薯仔同埋泡菜~味道調教過冇韓國的咁辣~啱曬香港人口味媽媽就鍾意個粉絲~夠彈牙~之後就有主菜~baba & mama都覺得難得出街食~少少熱氣都冇所謂~於是我同細佬就捨命"鐵板燒"!牛肉係最佳之選~睇落好新鮮~加上mama鐵板燒的技巧~燒完好香~又嫩口!推介!!可惜片數唔多~一碟唔夠喉呀!!雞肉同牛肋骨都好林~唔駛膽心燒得耐都會"鞋"~正!! 另外又叫左泡菜豬肉餅~本身就得少少辣, 但佢附加既醬汁就堅辣~啱曬鍾意食辣的我地~成碟醬汁點到一滴不留!!唔食得辣的朋友可以就咁食~薄薄脆脆都好有口感~仲有個石頭窩飯~石頭飯 雖然石頭飯的材料跟外面一般的差不多...但是要一讚它的辣醬, 跟之前說的泡菜一樣, 造得很出色很有大韓風味! (應該也是自家秘製的吧)