Video
Read full review
2019-02-04
403 views
不經不覺，係澳洲生活已經係差唔多一年前既事，經常會掛住同回味澳洲既一齊，呢排又諗返起，相思發作，突然就覺得，係香港其實少食澳洲菜，上網一搜，呢間頗有名，亦好評居多，加上我中意飲咖啡，呢到咖啡十分有名，就過黎睇下食唔食到澳洲既味道。環境門口都feel到好chill，店內位置唔算多，最好一早book好位，walk-in比較難，以木色設計為主，樓底高，天花板以吊燈做裝飾，比人好溫和好休閒既感覺，澳洲本身都係一個慢活、好relax既地方，都有好多餐廳設計風格如此。餐牌選擇不少，亦有澳洲特色菜，例如Avocado on Toast, Salmon Tartare等等，都係澳洲Cafe或者餐廳常有既菜式，不過由於係夜晚，食呢啲唔飽肚，都係食返Main dishes。Cappuccino(Fruity) $42有得揀Fruity或者Choco味，前者重果香、酸味，咖啡味冇咁濃，而後者咖啡味岀，仲帶有朱古力味，雖然我好中意飲咖啡，但我都揀左前者，因為朱古力味比我感覺似Mocha，Fruity會特別啲。Fruity會配杏仁，而Choco配提子乾，店員介紹食完杏仁再飲，果香味會更濃，一呷咖啡味較淡，奶亦
環境
門口都feel到好chill，店內位置唔算多，最好一早book好位，walk-in比較難，以木色設計為主，樓底高，天花板以吊燈做裝飾，比人好溫和好休閒既感覺，澳洲本身都係一個慢活、好relax既地方，都有好多餐廳設計風格如此。
餐牌
選擇不少，亦有澳洲特色菜，例如Avocado on Toast, Salmon Tartare等等，都係澳洲Cafe或者餐廳常有既菜式，不過由於係夜晚，食呢啲唔飽肚，都係食返Main dishes。
Cappuccino(Fruity) $42
Cappuccino(Fruity)
$42
83 views
0 likes
0 comments
有得揀Fruity或者Choco味，前者重果香、酸味，咖啡味冇咁濃，而後者咖啡味岀，仲帶有朱古力味，雖然我好中意飲咖啡，但我都揀左前者，因為朱古力味比我感覺似Mocha，Fruity會特別啲。Fruity會配杏仁，而Choco配提子乾，店員介紹食完杏仁再飲，果香味會更濃，一呷咖啡味較淡，奶亦唔算重味，一杯好溫和既咖啡，適合初哥/唔飲咖啡人士都飲到
Piggy Piggy $148
Piggy Piggy
$148
98 views
0 likes
0 comments
即西班牙黑毛豬叉燒Burger，配菜有甜菜頭、羽衣甘藍同青蘋果，仲有黃芥末醬，好特別既配搭。一上枱好大個包，包夠脹身，塗上牛油再烘，烘既時間十分夠，呈金黃微焦色，再塗左一層薄薄既黃芥末，黑毛豬叉燒十分厚身，2/3瘦身，1/3係肥膏，咬落有淡淡橡果香，豬味濃郁，口感唔算好稔，但配上青蘋果中和叉燒油膩感又帶微酸，再有黃芥末醬調味，整體十分配合，唯美中不足既係黃芥末醬略嫌少左啲。
Cheeky Cheeky $268
Cheeky Cheeky
$268
93 views
0 likes
0 comments
Cheeky Cheeky
$268
91 views
0 likes
0 comments
店內Best Selling，十二小時慢煮澳洲和牛面頰，有薯蓉、秋葵同沙律菜伴碟。由於一直慢煮緊，食物好快就上枱，基本上落單後5分鐘內已有(Piggy Piggy也是)，岀餐效率極高！由於係慢煮，無須揀熟成度，Size唔算大，一切落去已經知不得了，十分鬆軟，一咬果真好稔，幾乎唔洗點咬，內裡連有筋，連筋都煮得好稔，食落有膠質同少話漿口口感，牛味濃烈，超級高分之作！而薯蓉亦好creamy，食完會記得同好快掛住既一碟菜式！
今晚需要冇食澳洲菜式，但係店內環境、食物質素、氣氛都好有feel，澳洲牛肉尤其岀名，亦都有好多餐廳整得唔錯，呢到既牛真係好岀色，佢既優點仲有食物上枱速度神快，呢點其實就唔似澳洲，澳洲上菜效率不會咁高，不過，呢到始終係香港，太慢上菜唔岩香港生活模式，呢點只係雞蛋裡挑骨頭。
Post
