山東餃子館 (Moved) New Location

有朋友介紹佢話呢度嘅水餃同埋麵都好好食，一直都係相信呢位食客嘅口味！一個周圍捐窿捐啦搵好嘢食嘅人，佢介紹得嘅嘢應該都有返咁上下水準！入到去餐廳已經聞到好香嘅餃子味，叫咗一份韭菜餃另外再叫咗一個麻辣牛肉麵！我想講你個麻辣牛肉麵真係超水準，估唔到喺太子區嘅一間小店都可以食到咁色香味俱全嘅牛肉麵！本人算係好食得辣嘅人，但係佢嘅麻辣主要都係麻既香味為主要唔係嗰隻頂唔順嘅啦，所以越食越滋味！另外佢嘅牛肉同佢湯底好夾，牛肉又唔會太肥唔會太瘦所以入口嘅口感非常之好！所以非常值得推介👍🏻希望店主可以保持水準，下次再試埋其他款式❤️