大喜屋 (Closed)

經過成個星期既工作，終於都到左星期五！今日放左工之後，去左同朋友食位於銅鑼灣既大喜屋放題。我地食晚上六點鐘既時段，唔算好多人，同埋都唔太逼，我地兩個人去都有張四人枱，坐得幾舒服。 一開頭叫剌身就少不免啦！我地叫左甜蝦、北海道鮮帶子、虎蝦、三文魚，d 刺身幾新觧，唔錯！至於壽司，我地就叫左大灸蒜香大蝦壽司、黃金蟹棒壽司、火灸左口魚壽司、芥辣八爪魚軍艦同埋辣味三文魚壽司。每件壽司都細細件，可以試曬佢地又唔會太飽！ 熟食都有唔少選擇！當中最中意佢個芝士波，好煙韌！最後，甜品方面仲有Haagen Daz 既雪糕！除左雪糕，我地仲叫左法式燉蛋、桂花椰汁糕、榴槤糯米糍同埋軟身芝士餅。D甜品都好有質素，味道適中，唔會太甜！今晚真係過左一個好「豐富」既晚上~