火間土 (Closed)

首先要講既係：本身對呢間餐廳好大期望，諗住環境可以望到海，野食又好似多選擇之餘，午餐價錢亦接受的範圍，以為cp值相對會較高。結果，期望愈大失望愈大，首先靚位唔會坐到，咁都正常，因為只是午餐，可是點了二份野食都好難食，完全放唔到入口，最後亦沒有吃完。一樣是三文魚海膽飯，海膽實在臭到不行了，三文魚就中規中矩；而另一款是牛肉火鍋，諗住好難整得難食就點左，結果成塊牛好似豬咁，難熟又硬過我條命，相信假牙係絕對會食到甩牙，最後我食左豆腐同菜配飯值得一提既係店員服務態度差，完全好似未訓醒咁，落單要講幾次！