點心宅急便 (Closed)

之前見團購有做點心宅急便，99蚊可以買相等於200蚊嘅coupon，見到都幾多人買，所以就買左張試一試。其實呢度都係幾僻下，唔係好就腳。由於我地係book左5點鐘，所以入到去只見到幾枱客。呢度坐得絕對比果間米芝連點心舒服，唔迫，而且呢度侍應服務態度都幾好，唔會因為你係買團購而白眼你，加分。個餐單無乜特別點心，同出面啲點心鋪大同小異。上點心速度都算快，唔使等到頸都長如果用正價食呢度嘅點心，我個人認為有少少貴，eg..18蚊得兩粒燒賣。粟米豬肉生煎包+芝士薯餅生煎包啲皮太厚，啲料相對較，唔juicy，無肉汁流出來。無期望所以無失望。芝士薯餅都ok..炸到脆卜卜，食左一個半都唔覺滯。呢個牛肉金茹卷，無乜味，啲皮好厚，饀唔夠多，食左半嚿仔就放棄了。蒸鳳爪係飲茶必食嘅，味道濃郁，又唔太油，都幾好味。蟹粉小龍包+蝦餃小龍包熱辣辣食好好味，如果多啲肉汁就好囉。蝦餃得兩粒咁大把，啲皮唔夠滑，無乜特別，食完唔會再想要再食多粒嘅衝動。燒賣都係兩粒一籠，無乜驚喜，味道中規中矩。食物質素一般，好再有服務同環境搭救。