圓山飯店 (Under Renovation)

成日經過金巴利道都有留意呢間台灣飯店。見佢係尖沙咀呢個咁有競爭嘅地區都做左多年，今次就去幫襯！避風塘肉蟹雖然話主要食台灣嘢，但我地見檯檯都叫呢個避風塘炒蟹，我地都唔執輸叫返碟。一上檯已經聞到個香味，炸蒜同炸面包糠嘅比較啱啱好，肉蟹預早打醉殼，食起上嚟夠方便。肉蟹肉質新鮮，香辣味入哂！蠔仔煎蛋 相當足料嘅一個蠔仔煎蛋，蠔仔每隻size 都非常之大隻，食落一啲都唔聲仲好線條煮煎蛋亦都係做到燶邊嘅效果所以蛋味十分香。圓山小炒王呢個招牌小炒王真係出色，材料多之餘仲好真材實料，又有蝦乾又有蜆肉，所以炒得香口之餘仲好有鮮味。台式蒜燒香腸真正正宗新鮮嘅台灣腸就應該係咁，香腸食落飽滿腸衣夠薄夠脆，咬落油香同油脂適中，仲要配埋生蒜咁食，又甜又辣咁，鐘意食台式腸嘅朋友一要叫。台式肉燥飯肉燥偏係台北口味，偏咸唔偏甜，但真係撈飯真係一流，差啲想叫多碗食。另外原來都可以揀爌肉咁上，不過我覺得肉燥撈飯係最好食。台南擔仔麵擔仔麵湯頭非常之香濃，食落爽口彈牙，唔食飯嘅朋友叫個擔仔麵都係一個好好嘅選擇。