Video
Read full review
2014-12-25
4453 views
第一次來到sushi hiro用餐, 是日是平安夜, 我早幾天book枱並不困難, 如願坐到壽司吧!入到去基本上都係full, 因為今日是聖誕節, 所以分了兩個時段, 我就選擇了6:30 - 8:30坐壽司吧嘅感覺非常好, 唔似其他壽司店是高椅, 坐得很舒服, 大師傅有上了年紀嘅叔叔伯伯, 亦有個後生仔, serve我地嘅應該就是該店的大廚, 是純正的日本人, 睇住佢地在你面前整壽司真係別有一番風味我地先睇餐牌, 但發現其他坐壽司吧的顧客都是叫師傅推介, 所以索性餐牌都唔睇啦, 來個omakase 佢地都好細心, 問定我地有冇限幾錢budget, 或者有冇甚麼東西不喜歡食, 但今日普天同慶, 我地都話冇咩所謂, 新鮮嘅你覺得好嘅就上啦~ 咁師傅就話不如先上個六款刺身食住先啦, (其實全程是隔離識講廣東話的師傅幫我地翻譯, 佢話個老師傅識聽我地講咩架啦, 但其實他的廣東話真係一般般 XD 佢講廣東話我地又唔明咁haha)刺身分別有象拔蚌, 帶子, otoro, 劍魚腩同唔知咩魚, 因開頭我地有點代溝haha, 樣樣都好食嘅, 好新鮮! 但值得一提嘅係d帶子, 絕對不是超市買返黎大大粒
入到去基本上都係full, 因為今日是聖誕節, 所以分了兩個時段, 我就選擇了6:30 - 8:30
坐壽司吧嘅感覺非常好, 唔似其他壽司店是高椅, 坐得很舒服, 大師傅有上了年紀嘅叔叔伯伯, 亦有個後生仔, serve我地嘅應該就是該店的大廚, 是純正的日本人, 睇住佢地在你面前整壽司真係別有一番風味
我地先睇餐牌, 但發現其他坐壽司吧的顧客都是叫師傅推介, 所以索性餐牌都唔睇啦, 來個omakase
佢地都好細心, 問定我地有冇限幾錢budget, 或者有冇甚麼東西不喜歡食, 但今日普天同慶, 我地都話冇咩所謂, 新鮮嘅你覺得好嘅就上啦~
咁師傅就話不如先上個六款刺身食住先啦, (其實全程是隔離識講廣東話的師傅幫我地翻譯, 佢話個老師傅識聽我地講咩架啦, 但其實他的廣東話真係一般般 XD 佢講廣東話我地又唔明咁haha)
刺身分別有象拔蚌, 帶子, otoro, 劍魚腩同唔知咩魚, 因開頭我地有點代溝haha, 樣樣都好食嘅, 好新鮮! 但值得一提嘅係d帶子, 絕對不是超市買返黎大大粒解凍果種, 咬落去非常有質感, 實淨, 有點想元貝咁, 十分鮮味! 之前從來沒有食過! otoro也是一流, 厚厚一塊沒有根, 有點入口即溶嘅感覺
然後是壽司, 我本身是非常揀飲擇食, 唔係要求高而是偏食, 例如左口魚, 我覺得太油, 平時都唔會食, 又例如三文魚子, 我覺得太腥亦不喜歡..說到最鍾意的, 還是拖羅跟三文魚, 但今日冇三文魚份亦都見唔到有人食, 師傅安排的壽司set實在一流, 左口魚亦唔同平時的左口魚, 就連三文魚子都竟然一d都唔腥, 外面食的多數都是經過腌製, 但反而這裡吃的是沒有咸味, 只有鮮味, 是獨特之處! 海膽十分甘香, 上面還塗上一層類似豉油的東西, 總之就係好食! 還有就是喜之次, 吃的時候師傅說kinki kinki, 都唔知是甚麼, 但吃落有夢幻的感覺! 後來有其他顧客坐下來, 一點便指著這種魚, 我就上網查一下kinki果然就是傳說中的喜之次, 肉質偏淋, 但魚味很重, 很好食! 中後段上了一碗miso soup, 裡面有一隻手掌咁大的蜆, 是半生熟的, 非常好食! 最後上了三舊吞拿魚腩小卷, 我見師傅親手將魚切碎, 不同外面是用現成買回來的魚蓉, 魚腩中間夾了些酸菜, 吃起來更有口感, 魚甘味更突出, 是水準之作! 我見有個別食評提到壽司的紫菜淋左, 我今天食完全沒有這個問題, 師傅都係先揑好壽司飯再拿紫菜, 絕對係脆過薯片! 我覺得有可能是坐table跟壽司吧的分別吧..始終人多的時候由師傅做好壽司到上菜中間都有一段時間
上完壽司後師傅問我地夠唔夠飽, 其實都差不多啦, omakase都係預到剛剛好的沒有吃不飽的情況, 但我們最後還是再order多一客今天沒試過的和牛刺身, 師傅先拿和牛出來稍稍解凍, 和牛刺身配搭師傅另外調製的醬油, 配合起來好夾, 和牛肉味油甘味都很重, 但沒有羶的味道, 一流!
食到呢度其實已經八點半有多, 但都冇催我地走, 最後食埋個夕張蜜瓜我地都識做埋單交枱, 唔好阻住人地下一輪食大餐啦~~
埋單每人大約$1400-1500, 價錢不便宜, 但食物質素絕對令你覺得物有所值
Post
