一鳴丼食堂

Open Now

Now Closed

呢個星期都落住大雨，鋪頭門口好貼心咁擺左遮袋。鋪頭裹面用居酒屋嘅設計， 位唔算闊落，但依然坐得好舒服,特別係張木凳，有適當弧度，合乎人體工學～一坐低，店員就拎左幾杯茶比我地，留意到客人飲哂就主動過加水，服務態度很好！而主角就當然係野食啦，三人行都叫左唔少野食。炙燒牛肉丼，牛肉份量都幾多, 佈滿成個丼飯，肉汁豐富，仲幾有咬口，飯當然係粒粒分明嘅珍珠米，配埋剛熟嘅蛋黃,味道真的不錯，值得一試。小食仲叫左明太子玉子燒，埋相一流，加左明太子有淡淡嘅粉紅色。趁熱擺落口，玉子燒最外同最內層做到同一個熟嘅程度，保留左蛋汁嘅濕潤而且充滿住蛋香，真係好食到不得了，推廌！飲品我就叫左一杯烏龍茶燒酌梳打，烏龍茶味道不算太濃，但都有D酒味，飲落都清新，味道都特別。