Video
Read full review
2023-11-26
100 views
🎐上次約瑪姬皇后約唔成，因為要湊仔👩👦👦，終於俾到今日時間熊妹出黎食飯聚聚喇。📌想食下午茶，緊係揀間休閒咖啡店短暫小聚，chill下喇。千揀萬揀，最後揀左位於尖沙咀柯士甸道的《Potluck Eatery》，其實熊妹經過過好幾次，見門面裝修都幾別緻，一早已經bookmark左📝。📌店舖好大，色調以白色灰色同木系為主，有好多張四人木製梳化枱，中間擺放好多二人木枱，牆上掛著黃色的燈泡，柔和的燈光營造浪漫的氣氛，餐廳還會播着悅耳的外國歌曲🎶，成個感覺環境都好舒服，好適合情侶拍拖👫，二人閨蜜閑聊👯或者大夥兒過嚟食飯聚一聚💃。📌熊妹同埋瑪姬皇后下午兩點嚟到，有Lunch Menu同Tea Set Menu，Lunch Menu都幾多選擇，有沙律🥗、意粉🍝、漢堡包🍔、全日早餐🍱、肉眼扒等等，有是日餐湯同一杯飲品，價錢為$68至$168 ，Tea Set Menu就輕食為主，有鹹食或者甜食嘅窩夫同埋甜品選擇，再包一杯飲品，價錢為$58至$68 ，Lunch Menu同Tea Set Men價錢相當便宜，喺尖沙咀呢個地段嚟講幾抵食。📌另外仲有主餐牌單點食物，有沙律、小食、意大利飯、薄餅、主食等
🎐上次約瑪姬皇后約唔成，因為要湊仔👩👦👦，終於俾到今日時間熊妹出黎食飯聚聚喇。📌想食下午茶，緊係揀間休閒咖啡店短暫小聚，chill下喇。千揀萬揀，最後揀左位於尖沙咀柯士甸道的《Potluck Eatery》，其實熊妹經過過好幾次，見門面裝修都幾別緻，一早已經bookmark左📝。
📌店舖好大，色調以白色灰色同木系為主，有好多張四人木製梳化枱，中間擺放好多二人木枱，牆上掛著黃色的燈泡，柔和的燈光營造浪漫的氣氛，餐廳還會播着悅耳的外國歌曲🎶，成個感覺環境都好舒服，好適合情侶拍拖👫，二人閨蜜閑聊👯或者大夥兒過嚟食飯聚一聚💃。
📌熊妹同埋瑪姬皇后下午兩點嚟到，有Lunch Menu同Tea Set Menu，Lunch Menu都幾多選擇，有沙律🥗、意粉🍝、漢堡包🍔、全日早餐🍱、肉眼扒等等，有是日餐湯同一杯飲品，價錢為$68至$168 ，Tea Set Menu就輕食為主，有鹹食或者甜食嘅窩夫同埋甜品選擇，再包一杯飲品，價錢為$58至$68 ，Lunch Menu同Tea Set Men價錢相當便宜，喺尖沙咀呢個地段嚟講幾抵食。
📌另外仲有主餐牌單點食物，有沙律、小食、意大利飯、薄餅、主食等等，食物款式種類都幾多下，任君選擇。
脆炸魷魚柚子雜菜沙律
$138
10 views
0 likes
0 comments
📌熊妹習慣餐前一定要食啲菜或者沙律疊下個胃。
一上枱，好大兜沙律喎🥗！首先免頭有起碼五六條魷魚🦑，奇趣炸的魷魚鬚炸皮幾薄又夠脆，無咩油，面頭灑上啲調味粉，內裏嘅魷魚相信焯過先攞嚟炸，食落去柔軟度超高又彈牙，重點係超長一條食極都食未食完，份量好足。另外仲有一大堆新鮮沙律菜疊底，路上好豐滿嘅黑醋沙律醬汁，淡淡都沾上醬汁好夠味，熊妹好怕食沙律冇醬汁，淨係食啲生菜乾啃會好寡，仲有一嚿嚿柚子，份量真係唔吝嗇㗎喎，唔係搣出嚟一粒粒的柚子粒，食落口感多好多。成個沙律菜份量真係好多，鍾意食沙律嘅朋友一定會好🈵意，熊妹同瑪姬皇后多多都清得晒。
Potluck Afternoon Tea Set
$288
20 views
0 likes
0 comments
📌曾經係熊妹嘅下午茶Tea Set腳瑪姬皇后而家從出江湖，梗係嗌返個Tea Set歡迎佢啦！
呢個英式下午茶都相當抵食，每人包六款鹹點、兩款甜點同埋一件鬆餅，一杯飲品，都係$288，而家租金昂貴嘅香港地真係好少見到呢款價錢了。
六款鹹點包括自家製蟹肉餅、煙三文魚吞拿魚卷、蝦沙律多士、牛油果蕃茄莎莎、吞拿魚他他撻同一口香煎帶子，全部size的的骰骰🎲，可以話係一啖過，真係好啱一口小食一口咖啡，再慢慢閒聊，休閒地渡過輕鬆嘅下午，呢個就係嘆下午茶嘅精髓。
當中熊妹覺得牛油果蕃茄莎莎同一口香煎帶子係最好味，牛油果熟到好淋，淡淡的牛油果🥑香味配合酸甜的蕃茄莎莎🍅，食落去好清新。一口香帶子煎到外皮有少少脆，肉質好彈牙，面頭有啲鹹鹹地的魚子粒更調帶子的鮮味，連埋下面淡味的脆口梳打餅一齊食，帶子配餅乾，感覺好特別。
另外精選甜品有四件，包括紅莓蛋糕、朱古力蛋糕、朱古力泡芙及檸檬撻。朱古力愛好者瑪姬皇后梗係清咗朱古力嗰兩件啦🍫，愛酸的熊妹就食返熊妹的紅莓蛋糕🍓同埋檸檬撻🍋。兩者係偏酸性的甜品，酸得來又唔係太酸，主要唔係好甜，啱晒熊妹愛酸的口味。
脆炸金菇牛油果窩夫配蕃薯條
$68
22 views
0 likes
0 comments
食完個英式下午茶仲未夠喉，想點多個下午茶餐，見到呢個牛油果窩夫個名都實在太吸引啦！
一件格仔窩夫，上面鋪滿左軟熟的牛油果蓉🥑，仲有一片片菇🍄，重點係面頭再鋪滿一堆脆炸金菇條，一條條幼身的金菇條炸到金黃色，本身加咗調味，食落去鹹鹹地，炸到非常酥脆，脆炸的金菇條連埋軟淋嘅牛油果窩夫一齊食，雙重口感互相輝映💫，更能襯托其身的味道，無諗過菇菇同牛油果味道會咁夾，咁樣的配搭非常特別，街外好少見，係值得一試。
再開心的係，跟上伴碟的係蕃薯條🍠，份量超級超級多，蕃薯條炸出嚟入邊嘅蕃薯肉都仲係淋身，天然的蕃薯肉就咁食已經好香甜好滋味，熊妹同埋瑪姬皇后都係食鍾意蕃薯條多過薯條，而且纖維質比較多，感覺上會比薯條健康啲。
Flat white，Americano
$38
14 views
0 likes
0 comments
熊妹飲咖啡一定會叫Flat White，睇睇沖調咖啡師傅的功架。💪🏻
一杯好靚的心型拉花💗，奶泡位打得好厚實，一杯好的拉花咖啡，奶泡層的拉花係飲到最好都仲唯持到完整成型的拉花圖案而並沒有散開，味道來講，淡淡的牛奶味再滲透淺淺的咖啡香濃味，就係熊妹鐘情Flat White的味道，呢杯咖啡，
Americano瑪姬皇后就鐘意飲黑咖啡☕️，多數都會點Americano。整開咖啡的瑪姬皇后告訴熊妹一杯Americano其實係一shot espresso 再加熱水，飲落即係溝淡特濃咖啡味再咁濃郁。
而《Potluck Eatery》的Americano竟然可以讓飲開black coffee的瑪姬皇后有驚喜，飲落去，特濃咖啡味不減之餘，質感好濃郁，無溝過量的水變稀，放涼左又唔會變酸，相信用的咖啡豆質素都幾優質，先能夠保持到咁的效果。
📌整體來講，《Potluck Eatery》係一間非常休閒的咖啡餐館，環境大之餘裝潢美美的，係咁舒適悠閒自得的地方與好知己共享美食，幸福的感覺在於此。
Post
