Royal's Pub

Open Now

Now Closed

酒吧一向都係鍾意飲酒吹水一族嘅好去處，而呢間酒吧，就偏偏係同同事食午飯不錯的選擇。不過，呢間鋪仔細細，不時都可能要等位。午餐價錢由47元至55元，有餐湯，主菜，仲有餐飲。適逢萬聖節前夕，午餐送上血手一隻講返主題，一間西式嘅酒吧，餐湯係有羅宋湯及中湯。主菜亦會有中式飯，喇沙。不過本人我一向都覺得酒吧係食西餐，飲西式湯。所以今餐係飲羅宋湯，味道都ok嘅，湯有餸喎，不過如喜歡辣味嘅我就要再加胡椒粉。午餐選擇了“墨西哥汁肉醬配燒雞胸大蝦天使麵，(原本係跟飯，有天使麵及意粉選擇)。咩係墨西哥汁呢？食落先知，原來墨西哥汁係辣嘅，味香燶喎。而雞胸肉呢？有4、5塊，夠淋身，唔鞋，都好好味。大蝦，得一隻，係炸嘅，不過不失啦！喜歡選擇呢度午餐，因為廚房效率高，味道ok，不過坐嘅地方、櫈都係為酒吧而設，喜歡舒適者勿試。