Video
Read full review
2022-11-11
720 views
「Royal INN」係一間近嚟喺社交平台關注組討論度好高嘅餐廳，評價兩極🙈。既然佢位置喺尖沙咀The ONE咁近我，就訂枱食個晚餐親身試個究竟。餐廳環境係靚嘅，佢門口個凱旋門設計好吸睛🇫🇷😍，店家非常揼本裝修。店內嘅吊燈、枱櫈以至地板都貫切歐洲式嘅華麗風格。同時，餐廳仲設有室外座位添。牛油香煎蟹餅($128)，🦀蟹餅有小朋友拳頭咁大，一客有兩件，切開後發現充滿一絲絲鮮蟹肉，真材實料。雖然佢係油炸，但唔覺油膩，而且仲搭配咗芒果莎莎🥭同沙律菜，食落份外清新兼開胃。香煎芝士波菜雞肉卷($198)，🐔雞肉卷製作花心思。雞卷採用雞柳肉，中間包裹芝士同菠菜蓉，食起上嚟口味幾豐富，雞肉嫩滑，而表層煎完亦幾香。伴旁嘅燴蔬菜都OK，款式多色彩繽紛，而薯蓉口感就好綿密🥔。鮮刨意大利黑松露野菌意粉($188)，🍝意粉未有太大驚喜，但係預期中嘅好食。意粉麵質富嚼勁，兼且掛汁。醬汁帶濃厚菇香，不過主角係面頭嘅鮮刨意大利黑松露🍄，松露片係矜貴食材，令成碟意粉味道更突出。開心果蘋果玉桂法式班戟($88)，甜品嗌咗法式班戟🥞，有多款口味可選。甜薄餅本身整得好出色，滲出淡淡蛋香，又夠軟熟，整體唔會太甜。班戟上嘅忌廉同
「Royal INN」係一間近嚟喺社交平台關注組討論度好高嘅餐廳，評價兩極🙈。既然佢位置喺尖沙咀The ONE咁近我，就訂枱食個晚餐親身試個究竟。
餐廳環境係靚嘅，佢門口個凱旋門設計好吸睛🇫🇷😍，店家非常揼本裝修。店內嘅吊燈、枱櫈以至地板都貫切歐洲式嘅華麗風格。同時，餐廳仲設有室外座位添。
牛油香煎蟹餅
$128
19 views
0 likes
0 comments
牛油香煎蟹餅($128)，🦀蟹餅有小朋友拳頭咁大，一客有兩件，切開後發現充滿一絲絲鮮蟹肉，真材實料。雖然佢係油炸，但唔覺油膩，而且仲搭配咗芒果莎莎🥭同沙律菜，食落份外清新兼開胃。
香煎芝士波菜雞肉卷
$198
15 views
0 likes
0 comments
香煎芝士波菜雞肉卷($198)，🐔雞肉卷製作花心思。雞卷採用雞柳肉，中間包裹芝士同菠菜蓉，食起上嚟口味幾豐富，雞肉嫩滑，而表層煎完亦幾香。伴旁嘅燴蔬菜都OK，款式多色彩繽紛，而薯蓉口感就好綿密🥔。
鮮刨意大利黑松露野菌意粉($188)，🍝意粉未有太大驚喜，但係預期中嘅好食。意粉麵質富嚼勁，兼且掛汁。醬汁帶濃厚菇香，不過主角係面頭嘅鮮刨意大利黑松露🍄，松露片係矜貴食材，令成碟意粉味道更突出。
開心果蘋果玉桂法式班戟
$88
15 views
0 likes
0 comments
開心果蘋果玉桂法式班戟($88)，甜品嗌咗法式班戟🥞，有多款口味可選。甜薄餅本身整得好出色，滲出淡淡蛋香，又夠軟熟，整體唔會太甜。班戟上嘅忌廉同焦糖醬好香口，我認為比起玉桂蘋果肉吸引🍎，而且亦更搭調。
總括嚟講，餐廳各方面都唔錯喎，佢唔止係得個樣嘅打卡店，食物出品都有返咁上下水準🍽。價錢喺尖沙咀區而言，屬中等水平但合理，加上店員態度良好，有興趣嘅不妨可以到訪👍。
Post
