Bread Street Kitchen & Bar (Closed)

MasterChef 系列同埋Hotel Hell狠狠地荼毒了我，令我對Gordon Ramsey非常著迷，尤其佢對住唔滿意嘅嘢嘅嗰種挑剔（佢的確係寸得起），同埋喺MasterChef Junior對啲小朋友嘅和藹嘅嗰種反差。特登揀左所謂嘅周年紀念日去食，其實都係俾個藉口自己出去食好嘢。Location wise，喺Hotel LKF下面，唔記得𨋢唔到（無論酒店lobby定蘭桂芳上，都要行兩層樓梯），結果阿仔架車要一人一part抬落去，都唔係未試過，唔係太大問題。訂枱時已講明有bb車，希望佢預啲位俾我放，但我估同佢想像中嘅bb車有出入，所以佢轉左另一個位俾我，就正正係對住佢個open kitchen。證明佢地方都闊落，起碼架車泊左喺枱隔離，都冇阻住佢條主要唧通道。餐廳佈置我一向唔係太過在意，用落地玻璃夠光猛，其他嘢整齊乾淨，係一間典型嘅西式餐廳。Menu嘅選擇都算齊，海鮮嘅選擇相對較多。Eggs section對於我呢啲brunch lover黎講係吸引嘅，但心諗黎得呢度食，食egg benedict或者english breakfast好似嘥左咁（後來我知我錯），之但係我第一下又其實