龍悅 (Closed)

見上次食過個乳豬仔咁好食，又再嚟樓下番兜，今日嗌咗個翅嚟試吓，點知就咁燒焦，呢個翅認真攞命，個芡仲杰過開粉未搞勻嗰啲芝麻糊，用匙羹輕輕一不，再跣番落個碗度，個芡會令你搵到雪蛤膏嘅視覺效果，從來未食過一個翅個芡係可以杰到咁樣樣嘅，入面嘅含翅度我都唔再斟酌嘞，但係個芡真係十級地獄，惡劣。黃金炸蝦球，一上枱就見到個擺碟求其到丫，好似一堆草地滾球一樣，食落口成口都係粉，僅餘嗰二両肉又唔新鮮喎，係個黃金嘅味道都算唔錯，個鹹蛋黃味都幾香。