食包 (Closed)

太子地鐵站附近新開咗呢間足料漢堡包店-食包黃黑色嘅主調, 配搭可愛嘅漢堡卡通公仔, 有超多打卡位漢堡款式唔算太多, 但豬、牛、雞應有盡有, 依家仲有期間限定嘅蝦堡胃口唔大嘅朋友, 食咗個漢堡應該就夠飽, 大食少少嘅可以加18蚊升級做套餐, 包埋小食同嘢飲<WB豬牛薯堡>WB豬牛薯堡份量超大, 裏面有牛肉漢堡扒同豬肉漢堡扒, 仲加入左薯餅、蕃茄、煎蛋、芝士同生菜, 加入漢堡嘅經典沙律醬, 口感非常豐富滿足度好高<韓式辣醬蝦堡>韓式辣醬蝦堡係期間限定裏面嘅手打炸蝦餅非常彈牙, 配搭菠蘿片、芝士同生菜, 加埋韓式芝士辣醬, 唔會太過油膩漢堡仲食到淡淡牛油香味<薯條>配菜之一嘅薯條幾大份, 而且比較粗身 加入自家製嘅調味粉, 味道辣辣地好香口<雞翼>雞翼就比較細份, 但炸得脆卜卜, 亦都係個唔錯嘅選擇